Haamanaˈoraa o te mahana tairururaa taa ê

E faaohipahia te mau uiraa i muri nei no te hiˈopoa na mua e no te haamanaˈo i te porotarama o te mahana tairururaa taa ê o te matahiti taviniraa 2005. E faataa te tumu parau “Te hoê faanahoraa apî no te haamanaˈo i te porotarama o te mau tairururaa,” i te api 4 o teie api hau, e nafea ia faaohipa i te reira. I te roaraa o te haamanaˈoraa, a faanaho i te taime ia navai no te mau uiraa atoa. Te fa matamua o te haamanaˈoraa o te haamahitihitiraa ïa e nafea tatou e nehenehe ai e faaohipa i te mau manaˈo i tatarahia.

RURURAA O TE POIPOI

1. No te aha e mea faufaa roa ˈi ia faaroo ia Iehova? Eaha te auraa e faaroo? (“No te aha e faaroo ai i te reo o Iehova”)

2. E nafea te mau utuafare e tapea ˈi i te hoê porotarama maitai o te mau ohipa pae varua? (“Te mau utuafare e faaroo ra ma te peapea ore i te Parau a te Atua”)

3. Mea nafea to te tahi feia poro o te tuhaa haaati faaohiparaa i te mau ravea no te poro ma te faanaho ore? (“E rave anaˈe i te mau mea atoa ma te haamaitai i te Atua”)

4. Eaha te mau haapiiraa ta tatou e huti mai i te mau hiˈoraa ei faaararaa i roto i te Hebera pene 3 e te 4? E nafea Iehova e paraparau mai ai ia tatou i teie mahana? (“E paruru te faarooraa ia paraparau te Atua ia tatou”)

5. Eaha ta outou i huti mai i te oreroraa parau o te bapetizoraa? (“Pûpûraa ia ˈna iho e bapetizoraa”)

RURURAA O TE TAPERAA MAHANA

6. Eaha ta tatou e huti mai na roto i te haerea o Iesu i to ˈna taurearearaa, e e nafea te feia apî o te tuhaa haaati e nehenehe ai e pee i to ˈna hiˈoraa? (“E haapuai mau te faaroo-maite-raa i te Parau a te Atua i to tatou feia apî”)

7. Eaha ta te mau metua ravea no te haamata i te haapii i ta ratou mau aiû e tamarii apî i te eˈa o Iehova? (“Te mau tamarii rii e faaroo ra i te Atua e e haapii ra”)

8. I roto i teihea tuhaa taa ê e hinaaro ai tatou e haapao maite ia Iehova, i ta ˈna Tamaiti e i “te tavini haapao maitai e te paari”? (Mat. 24:45) No te aha e mea faufaa roa ˈi? (“E haapao noa anaˈe i te haapiiraa a te Atua”)