E nafea ia pûpû i te mau vea

Te Pare Tiairaa 15 no Tiurai

“E manaˈo anei oe e e haere te feia iino i roto i te po auahi aore ra vahi haamauiuiraa? [E faaroo tatou i te pahonoraa.] Te faataa maitai ra te Bibilia eaha te utua o te hara. [E taio tatou i te Roma 6:23a.] Te po auahi, o te tahi anei vahi i reira te feia iino e tutuihia ˈi i te auahi? O te tahi noa anei huru o te mau taata tei atea ê i te Atua? Te horoa ra teie vea i te pahonoraa bibilia i teie mau uiraa.”

Réveillez-vous! 22 no Tiurai

“No te taata e rave rahi, e faaanaanataeraa te pere o te fariihia i te pae totiare. Te manaˈo nei te tahi atu e e haafifi te reira i te utuafare e te huitaata. Te faataa ra teie Réveillez-vous! i te pere ia au i te mau maimiraa apî. E ite mai ïa oe ma te anaanatae e e faataaraa ta te mau faaueraa tumu bibilia no nia i teie tumu parau.” Ei hiˈoraa, e taio tatou i te Timoteo 1, 6:10.

Te Pare Tiairaa 1 no Atete

“E rave rahi taata o te manaˈo ra e e ere te mau tiaturiraa niu ore i te mea ino. [E rave tatou i te hoê hiˈoraa aore ra e piti no roto mai i te tumu parau tarenihia i te api 5.] Ua ui aˈena anei oe eaha to muri mai i te mau tiaturiraa niu ore? [I muri aˈe i te faarooraa i te pahonoraa, e taio tatou i te Korinetia 2, 11:14.] Te faataa ra teie vea i te manaˈo o te Bibilia no nia i teie tumu parau.”

Réveillez-vous! 8 no Atete

“E rave rahi taata o te haapeapea nei no te maraaraa o te haavîraa uˈana e te totovaraa. Peneiaˈe e farii oe i teie mau parau i roto i te Koheleta 8:9. [E taio tatou i teie irava e e faaroo tatou i te pahonoraa.] Te horoa ra te Réveillez-vous! i te tahi mau haapiiraa no te tau tahito e te faaite ra e e fatata roa, e ore te haavîraa.”