E nehenehe anei tatou e pûpû i te buka Créateur?

I te matahiti i mairi aˈenei, ua fanaˈo tatou pauroa ma te oaoa i te buka ra Y a-t-il un Créateur qui se soucie de vous? Ua neneihia teie buka no te feia iho â ra e ite to ratou, o te ore râ e tiaturi i te Atua. Te pahono ra oia i te hoê aniraa o te maraa noa ra.

No te tahi mau tumu ohie, ua hutihia te ara-maite-raa e te pûpûraa avaˈe i nia i te mau papai ta te taatoaraa e nehenehe e fanaˈo. E auraa anei te reira e eita tatou e nehenehe e pûpû i te buka Créateur? Eita roa ˈtu! E nehenehe tatou e pǔpǔ i teie buka i te roaraa o te matahiti i te feia tiaturi ore o te nehenehe e faufaahia i te reira. E nehenehe atoa tatou e pûpû i te reira i te mau taata o te tiaturi ra, aita râ i ite mau o vai te Atua, e eaha to ˈna mau huru maitatai e ta ˈna mau opuaraa. Te faaitoitohia ra ïa tatou ia tuu i te hoê buka i roto i ta tatou pute pororaa, ia nehenehe tatou e pûpû i te reira i te mau taata atoa e anaanatae i te mea e vai ra i roto.