Faahaamanaˈoraa i te taeae papai parau e i te tiaau no te taviniraa

I te mau matahiti atoa, e matara te hoê parau faaite i roto i Te taviniraa o te Basileia no febuare, ma te ani i te taeae papai parau e i te tiaau no te taviniraa ia ‘hiˈopoa i te ohipa a te taatoaraa o te mau pionie tamau.’ Eaha te tapao o taua hiˈopoaraa ra? O te faaotiraa ïa e o vai te hinaaro i te tauturu ia naeahia ta ˈna mau hora e tae atu i te hopea o te matahiti.

E tia i te mau pionie tamau ia horoa e 1 000 hora i te matahiti i roto i te taviniraa. I te hopea o te avaˈe febuare, e itehia paha vetahi e aita i naeahia ta ratou hora, o te nehenehe e haaparuparu ia ratou. E pinepine te mau matahiapo i te tauturu i te mau pionie, ma te faaitoito ia ratou e ma te horoa ˈtu i te mau aˈoraa ohie. E mea faufaa roa teie turu a te mau matahiapo e e tauturu ratou i te hoê pionie ia naea i ta ˈna tapao, maoti râ i te vaiiho i ta ˈna taviniraa.

E mauruuru te mau pionie i te anaanatae rotahi ta te mau matahiapo e faaite ra no ratou i roto i taua tuhaa ra. E fanaˈo atoa te amuiraa i te mau pionie oaoa i roto i te taviniraa e o te amo ra i ta ratou hopoia ma te taiva ore.