Aita roa ˈtu oia i hiˈo i muri

UA FAAIPOIPOHIA Sara i te hoê tane î i te here ra o Aberahama. Ua ora raua i Ura, i te fenua o Sinara, te hoê oire patu-maitai-hia i pihai iho i te anavai rahi o Eupharate. E mau taata haamori idolo te feia o te oire, area Aberahama, mea taa ê ïa. Te haamori ra oia i te Atua mau hoê roa o Iehova. Ua faaite atoa Sara i te faaroo i te Atua mau. I te hoê râ mahana, ua titauhia ia Sara ia faaite i te faaroo e te itoito.

Ua oaoa roa Sara i to Aberahama faaiteraa e ua paraparau Iehova ia ˈna! Tera râ, e ere i te mea ohie no Aberahama ia rave i ta Iehova i parau. Faarue to raua fare e to raua fetii i Ura no te hoê fenua atea e e ora i raro aˈe i te fare ie. Aita faahou ïa e oire patu-maitai-hia, aita e nohoraa, e aua, e pape e te tahi atu mau mea titauhia no te ora e aita e matete! Mea fifi roa. Tera râ, ua farii Sara. Ua faaite o ˈna i te faaroo ia Iehova, ua faaineine i ta ˈna mau taihaa, ua aroha i to raua fetii e hoa e haere atura raua Aberahama i to raua tere.

Ua faaite Sara i te itoito ma te tahi atu ravea. Teie ta te aposetolo Paulo i parau no ˈna e no ta ˈna tane: “Ahiri ratou i manaˈo noa i te vahi ta ratou i faarue na, ua tia noa ia ratou ia hoˈi.” (Heb. 11:15) E nehenehe ta Sara e manaˈo e hoˈi i ǒ ˈna i Ura e te paruru ta ˈna i fanaˈo ra i ǒ. Ma te itoito râ, aita roa ˈtu oia i hiˈo i muri.

I to ratou taeraa ˈtu i te fenua Kanaana, ite atura Sara aita e anavai rahi mai ia Eupharate e fano mai ai te feia hoohoo no te afai mai i te mau taihaa. No reira, i te tupuraa te oˈe i Kanaana, aita ˈtu e ravea ta ratou e taui te vahi. Noa ˈtu mea fifi roa, aita Sara i faahepo i ta ˈna tane ia hoˈi ratou i Ura. Ua ineine râ oia i te ratere i Aiphiti na muri ia Aberahama.

No te nehenehe o Sara, ua mǎtaˈu Aberahama a haapohehia ˈi o ˈna na te hoê taata no te haru ia Sara. Ua parau ïa Sara e tuahine o ˈna no Aberahama. Tera râ, ua fifihia raua i to te arii no Aiphiti faarooraa e vahine nehenehe roa o ˈna. Faaue atura o ˈna ia ravehia mai Sara ia Aberahama ra e ia afaihia o ˈna i te aorai. Mea au aˈe paha te oraraa i roto i te hoê aorai, i raro aˈe i te hoê fare ie. Tera râ, ua maiti anei Sara e faarue ia Aberahama ia fanaˈo i te hoê oraraa maitai e o Pharao? Aita. Ua faaite oia i te itoito, ua vai taiva ore i ta ˈna tane e ua faaora Iehova ia ˈna, a faahoˈihia ˈtu ai o ˈna i ta ˈna tane ra.a

Ua fafau Iehova e e riro mai Aberahama ei nunaa rahi. Tera râ, eita ta Sara e nehenehe e fanau mai i te tamarii e mea fifi roa no ˈna. I muri aˈe râ e rave rahi matahiti i Kanaana, ua haamaitai Iehova ia Sara. Noa ˈtu e 90 matahiti to ˈna, ua haamaitai Iehova ia ˈna ma te horoa i ta ˈna i hinaaro noa na, te hoê tamaiti! Ua faaue Iehova ia piihia teie tamaiti i te iˈoa ra Isaaka, o “Ata” te auraa. Ua tano iho â te reira, no te mea ua ata e ua oaoa Aberahama e Sara i to raua faarooraa e fanau mai raua i te hoê tamaiti. E ua papu ia Sara e oaoa e e ata te taata ia faaroo ratou i te semeio ta Iehova i faatupu no ˈna.

Ua ora maoro Sara no te aupuru i ta ˈna tamaiti e no te ite ia ˈna ia riro mai ei taata maitai. Ua faaite oia i te itoito no te paruru i ta ˈna tamaiti mai te hoê metua vahine e na reira. Tae roa ˈtu i te hopea o to ˈna oraraa, aita o ˈna i tiatonu noa ˈˈe i te hoê oraraa fanaˈo, i te hoê râ oraraa oaoa no a muri aˈe. Aita Sara e to ˈna utuafare i ite te tupuraa o ta Iehova parau fafau no a muri aˈe. Te mea papu râ, e tupu te reira!

A taio i te aamu Bibilia:

• Genese 12:1-20; 15:18; 16:1, 2; 17:3-8, 15-19; 18:9-15; 20:1-17; 21:1-13

• Ohipa 7:1-7

A aparau:

Mea nafea to Sara faaiteraa i te itoito?

A faahohonu atu â

1. 1. Mea ino anei no Sara ia faaipoipo ia Aberahama noa ˈtu hoê â metua tane to raua? (brwp1703 “E vahine haviti mau â oe” par. 5, nota)

   Ta oe pahonoraa

2. 2. A faataa i ta Sara i vaiiho i Ura. (brwp1703 “E vahine haviti mau â oe” par. 9-12) A

   Ta oe pahonoraa

   

   Photograph taken by courtesy of the British Museum

3. 3. Eaha te haapapuraa e ua haa Aberahama ma te paari ma te ore e faaite e vahine faaipoipo Sara na ˈna? (brwp1703 “E vahine haviti mau â oe” par. 16-18)

   Ta oe pahonoraa

4. 4. Noa ˈtu ua auraro Sara ia Aberahama, te auraa ïa aita o ˈna i faaite i to ˈna manaˈo? A faataa. (g 1/08 “Eaha te auraa o te tane te upoo?” par. 6-7) B

   Ta oe pahonoraa

   

A feruri i te mau haapiiraa

• A faaau ia Sara e te vahine a Lota.

  • Eaha to raua tuatiraa? (Gen. 12:1; 13:5-7; 19:12, 15)

    Ta oe pahonoraa

  • Eaha to raua taa-ê-raa? (Gen. 19:17, 26; Luka 17:28-32)

    Ta oe pahonoraa

  • Eaha te haapii mai i te mau faaotiraa ta raua i rave e eaha tei tupu no raua?

    Ta oe pahonoraa

• E vahine nehenehe roa o Sara, e taata taoˈa rahi ta ˈna tane. Eaha te hiˈoraa ta ˈna i vaiiho mai mai te peu hoê â tupuraa to tatou e to ˈna? (Mas. 31:30; Tim. 1, 6:17-19)

  Ta oe pahonoraa

• E nafea oe ia pee i te itoito o Sara i roto i to oe oraraa? C

  Ta oe pahonoraa

  

A huti mai i te haapiiraa

• Eaha ta teie aamu e haapii mai no nia ia Iehova?

  Ta oe pahonoraa

• E nafea teie aamu e tuati ai i te opuaraa a Iehova?

  Ta oe pahonoraa

• Eaha ta ˈu e hinaaro e ani ia Sara i te tia-faahou-raa?

  Ta oe pahonoraa

A haapii hau atu â

No te mau vahine faaipoipo noa anei te hiˈoraa o Sara? Aore ra no te mau tane faaipoipo atoa?

Haapii mai i to ratou hiˈoraa: Sara (6:27)

A hiˈo eaha ta Sara e Aberahama i rave no te tauturu te tahi i te tahi ia fanaˈo i te faatura.

“Ia ura noa ‘te ura auahi o Ia’” (w23.05 24-25 par. 15-17)