2 NOA
Ua faahapa oia i te ao
I MURI aˈe i te tau o Noa, ua orure hau te mau melahi i te Atua. Ma te miimii, ua haere mai te tahi mau melahi ino i te fenua nei ei taata e ua faaipoipo i te mau vahine. Ua riro ta ratou tamarii ei afa melahi afa taata, e aito ino roa ratou tei piihia Nephilimi. Eaha tei itehia? Ua ino roa te huitaata aita i itehia aˈenei. I te aro o te Atua, ua ino roa te huitaata o ta ˈna hoi i poiete. Te vai râ hoê o ratou tei taa ê, o Noa te hina a Enoha.
Ua riro Noa ei taata parau-tia mai ia Enoha. Te taio ra tatou: “Ua haere Noa e te Atua mau.” I muri iho, ua faaipoipo oia, ua auraro oia, ta ˈna vahine e ta raua e toru tamaiti ia Iehova. Teie te utuafare tei taa ê i te tahi atu ati aˈe ia ratou.
I te hoê mahana, ua parau Iehova ia Noa e haamou oia i te mau taata ino atoa i nia i te fenua. Ua haapapu atoa râ Iehova ia ˈna e ora mai oia. Ua hamani ïa Noa i te hoê pahi rahi aore ra araka ia ora mai te tahi noa mau taata. Aita Noa i ite aˈenei i te hoê diluvi i tei tapoˈi roa i te fenua mai ta Iehova i tohu. E aita atoa o ˈna i rave i teie huru ohipa, te hamaniraa i te hoê araka tiapai mai teie. Ua tiaturi râ oia i te mau parau fafau a Iehova e no reira oia i rave ai i tei faauehia ia ˈna.
Ua faaruru Noa e to ˈna utuafare i te mau enemi tei au ore i ta ratou poroi e ohipa
Ua titauhia te itoito ia Noa e to ˈna utuafare no te rave i teie ohipa. Ua faaruru ratou i te patoiraa e te faaoooraa. E enemi riaria mau te melahi ino e e rave ino ta ratou mau tamarii i te taata. Ua tamau râ na vaˈu taata, o Noa, ta ˈna vahine, ta ˈna e toru tamaiti e ta ratou vahine i te ohipa. Ua na reira ratou e rave rahi matahiti, peneiaˈe 50 matahiti aore ra hau atu, ia oti roa mai te araka.
I te roaraa o tera tau, ua rave atoa Noa i te tahi atu ohipa. Te parau ra te Bibilia no ˈna ei “taata poro i te parau-tia.” Ei upoo o to ˈna utuafare, o ˈna na mua tei faaara i te taata no te ohipa e tupu mai. Aita râ te mau taata i faaroo atu ia ˈna. E au ra e aita atoa to Noa fetii i tâuˈa ˈtu. Aita te taata i hinaaro e faaea i te rave i te ohipa ino. Ua ite-maitai-hia te taa-ê-raa i rotopu i teie taata o tei faaite i te faaroo e te taata tei haaati ia ˈna. No reira te Bibilia i parau ai no Noa: “Na roto i teie faaroo i faahapa ˈi oia i te ao.”
I te pae hopea, ua oti mai te araka ia Noa e to ˈna utuafare. Titauhia i teie nei ia faaineine, i te maa, te pape e te tahi atu mau ohipa na ratou e na te mau animara atoa. I tera taime ua tupu te hoê ohipa maere. Ua haere mai te mau animara huru rau, te oni e te ufa, i te araka! E i muri iho, “tomo tataipiti aˈera ïa i roto i te araka ia Noa ra.”
Ua parau aˈena te Atua ia Noa, ia tomo i roto i te araka, no te mea i roto hitu mahana e topa mai te ûa. A feruri na, te faaoti ra te utuafare o Noa i te afai, faanaho i te mau mea atoa i roto i te araka. Peneiaˈe ua faaooo te mau taata ia ratou. I te otiraa râ te afairaahia te mau taihaa, na Iehova i tapiri i te uputa. I tera iho â taime ua faaea atoa te taata i te faaooo atu. I muri iho ua topa mai te ûa! Ua maraa te faito o te pape, 40 mahana tae roa i te taime ua poˈi roa te mouˈa. Ua tamâ ïa Iehova i te fenua i te ino.
Ua faaea Noa e to ˈna utuafare i roto i te araka hau atu hoê matahiti. I te roaraa o tera taime, ua iti mǎrû rii mai te pape. I te pae hopea, ua iri te araka i nia i te hoê mouˈa e i muri iho na Iehova i parau ia Noa afea e haere ai i rapae i te araka. I to te utuafare haereraa mai i rapae i te araka, ua haamauruuru e ua haamori ratou ia Iehova no te mea na ˈna i faaora mai ia ratou. Ua tohu Iehova aita oia e faatupu faahou i te diluvi, ma te horoa i te huitaata i te hoê tapao, oia hoi te anuanua.
Te mau taata o te ora ra i teie mahana e huaai no teie utuafare. E tumu ïa to tatou no te haamauruuru atu no te itoito ta ratou i faaite e to ratou taa-ê-raa i teie ao ino!
A taio i te aamu Bibilia:
A aparau:
Mea nafea to Noa faaiteraa i te itoito?
A faahohonu atu â
1. Mai te aha te ao hou te diluvi? (w02 1/3 5 par. 3–6 par. 4)
2. Afea te Atua i te parauraa ia Noa ia hamani i te araka? Afea te Atua i te parauraa ia Noa e tupu mai te diluvi? (w12 1/4 25 par. 5-8)
3. No te aha e tiaturi ai tatou e ua tupu iho â te diluvi? (ijwbq tumu parau 156 par. 2-5, tumu parau tarenihia) A
Historic Collection/Alamy Stock Photo
Hohoˈa A: Te faaite ra te hoê aai no Initia no nia i te hoê taata tei hamani i te hoê pahi ia ora mai i te hoê diluvi. I muri aˈe i te diluvi, ua pûpû oia i te hoê tusia e ua riro mai oia ei tupuna no te taata atoa
4. Eaha tei tupu hau atu hanere matahiti i muri aˈe i te diluvi? Mea nafea te reira i te haapeapearaa ia Noa tei ruhiruhia? (it “Noa” par. 13) B
Hohoˈa B
A feruri i te mau haapiiraa
E nafea to tatou tau i tuati ai i te mau mahana o Noa? (Mat. 24:36-39)
Eaha ta te hiˈoraa o Noa e haapii mai no nia i te faufaaraa ia riro . . .
ei taata naho maitai? C
Hohoˈa C
ei taata rave ohipa? D
Hohoˈa D
ei taata faaoromai? E
Hohoˈa E
E nafea oe ia pee i te itoito o Noa i roto i to oe oraraa?
A huti mai i te haapiiraa
Eaha ta teie aamu e haapii mai no nia ia Iehova?
E nafea teie aamu e tuati ai i te opuaraa a Iehova?
Eaha ta ˈu e hinaaro e ani ia Noa i te tia-faahou-raa?
A haapii hau atu â
A hiˈo e nafea te hoê upoo utuafare e haa ˈi no te pee i to Noa hiˈoraa.
A pee i te faaroo . . . o Noa, eiaha râ to te feia o to ˈna ra tau (2:57)
A tauturu i ta oe mau tamarii ia haapii no nia ia Noa.