Ua uiui aˈena anei outou?

Te tiaturi ra anei outou e te vai ra to te taata i te hoê nephe pohe ore o te ora ia pohe te tino taata? Te tiaturi nei te tahi tau mirioni, peneiaˈe e mau miria, te vai ra to te taata i te hoê nephe o te rere atu i roto i te tahi atu ao aore ra te vahi e nehenehe e ora i te pohe aore ra e ora faahou i roto i te hoê tino ê o te tahi atu taata. Eaha mau na ta te Bibilia e parau ra no nia i te nephe? E ite outou i te mau uiraa i muri mai e mea huru ê e te maramarama. No te mau pahonoraa, te titauhia nei e ia hiˈopoa i te mau papai i faahitihia aore ra a hiˈo i te api 21.

1. Ua poietehia anei o Adamu i nia i te raˈi, aore ra i nia i te fenua nei?—Genese 1:26-28.

2. Ua poietehia anei o Adamu ei taata pohe, aore ra ei taata pohe ore?—Genese 2:15-17.

3. Ahiri e aita o Adamu i faaroo ore e i hara, e pohe anei oia?—Roma 6:23.

4. Te haapapu ra anei te huru haerea o Adamu e e taata pohe oia aore ra e taata pohe ore?—Genese 3:19; 5:5.

5. Na roto i ta ˈna hara, ua erehia anei o Adamu i te hoê oraraa i nia i te fenua, aore ra te hoê oraraa i nia i te raˈi?—Genese 1:26-28.

6. Mai te peu e ua haere mai o Iesu e faatitiaifaro i tei erehia e te toparaa a Adamu, eaha ïa te mea e faatitiaifarohia?—Salamo 37:29; Roma 5:18, 19; Apokalupo 21:1-4.

7. E piti anei tuhaa i roto ia Adamu, te nephe e te tino?—Genese 2:7; Korinetia 1, 15:45.

8. Mai te peu e te tiaturi nei outou e e e nephe aore ra e tino to Adamu, eaha te tuhaa tei hara, te nephe aore ra te tino?—Salamo 51:1-4.

9. Mai te peu e e pahono outou e, “Te nephe,” no te aha e tia i te tino ia mauiui?

10. Mai te peu e e pahono outou, “Te tino,” no te aha e tia ia faaora i te nephe?

11. Mai te peu e e haere te taata i nia i te raˈi na roto i te pohe, aita anei te reira e haapapu ra e e haamaitairaa te hara e te pohe e ere râ mai ta te Bibilia e parau ra te hoê utua?—Roma 5:12; 6:21-23.

12. Eaha te faautuaraa i horoahia ia Adamu no ta ˈna hara—te pohe, aore ra e tamau noa oia i te ora i te tahi atu vahi?—Genese 2:16, 17; 3:19.

13. Te vai ra anei te hoê faautuaraa no te tino e te tahi atu no te nephe?—Koheleta 9:5, 10; Ezekiela 18:4.

14. Ua manaˈo anei te Atua e faatupu i te haamauiuiraa mure ore i roto i te hoê po auahi?—Ieremia 7:31.

15. Ia au i te parau a Paulo, eaha te utua o te hara?—Roma 6:23.

16. Te faahiti ra anei o Paulo i te haamauiuiraa mure ore i roto i te po auahi?—Roma 6:7.

17. Mai te peu e te vai ra iho â te po auahi, no te aha te taata e mauiui e a muri noa ˈtu no te aufau noa te hara no te hoê oraraa poto? Mea iti anei to te Atua parau-tia i to te taata?—Roma 9:14.

18. Ua tiaturi anei te feia parau-tia i tahito ra e e nephe to ratou o te haere i nia i te raˈi aore ra i roto i te hoê po auahi ama?—Genese 37:35; Salamo 89:48; Ohipa 2:34.

19. Eaha te tiaturiraa mau no te feia i pohe?—Ioane 5:28, 29; 11:23-26; Ohipa 24:15.

20. Mai te peu e aita e nephe pohe ore, nafea ïa te tahi tau (144 000) ia faatere e te Mesia i nia i te raˈi?—Korinetia 1, 15:42-49, 53, 54; Apokalupo 14:1, 4; 20:4.a

[Nota i raro i te api]