Аллаһыны белер өчен вакыт табыгыз

Сез, Аллаһыны белер өчен вакыт тапсагыз, рухи ихтыяҗыгызны канәгатьләндерерсез һәм тормышыгыз яхшы якка үзгәрәчәк. Гайсәнең өйрәткәннәренә игътибар итик.

Гайсә нәрсәгә өйрәткән?

«Рухи нәрсәләргә сусаучылар бәхетле» (Маттай 5:3).

• Безнең барыбызның да мондый сорауларга җавап табасыбыз килә: Яшәүнең мәгънәсе нәрсәдә? Ни өчен дөньяда шулкадәр күп газаплар? Кеше үлгәч, аның белән нәрсә була? Бәхетле булыр өчен, безгә шушы сорауларга җавап табарга кирәк.

«Кеше икмәк белән генә түгел, ә Йәһвәa авызыннан чыккан һәр сүз белән яшәргә тиеш» (Маттай 4:4).

• Без, физик ризыкка мохтаҗ булган кебек, рухи ризыкка да мохтаҗ. Гайсә, рухи ихтыяҗларыбызны канәгатьләндерер өчен, безгә даими рәвештә Аллаһыга мөрәҗәгать итәргә кирәк икәнлеген ачык итеп аңлаткан.

«Синең сүзең — хакыйкать» (Яхъя 17:17).

• Гайсәнең өйрәтүе буенча, Аллаһы безнең рухи ихтыяҗларыбызны башлыча Үзенең Сүзе — Изге Язмалар — аша канәгатьләндерә.

Шуңа күрә Аллаһыны белер өчен вакыт табып, рухи ихтыяҗларыгызны канәгатьләндерергә тырышыгыз. Шулчак сез чын-чынлап бәхетле булырсыз. Сезгә мондый нәрсәләр ярдәм итәр:

• Изге Язмаларны укыгыз бушлай.

• Берәр өйрәтүченең үзегез белән Изге Язмаларны интерактив өйрәнү курсын бушлай үткәрүен сорагыз.