«Siz uruş seslerini… eşidersiňiz»

«Men 1960-njy ýylda žurnalist bolup işläp başlanymdan bäri bütin dünýäde bolan 40-dan gowrak uruş hakda ýazdym. ABŞ bilen Sowet Soýuzynyň arasyndaky urşuň gitdigiçe beterleşendigini, soň bolsa birden bes edilendigini gördüm. Emma men hiç haçan 2025-nji ýyl ýaly howsala düşüren ýyly görmändim. Sebäbi şu ýyl ençeme uly uruşlaryň şaýady bolduk. Mundan başga-da, şol uruşlaryň biri dünýäniň köp ýerlerine erbet täsirini ýetirmegi mümkin. Bular ýaly zat öň hiç haçan bolmandy» (Jon Simpson, BBC-niň halkara işler boýunça redaktory biz nygtadyk).

Köp adamlar bütin dünýäde bolýan aýylganç uruşlar sebäpli biynjalyk bolýar. Olar: «Uruşlaryň soňy gelermikä?» diýýärler. Bu barada Isa pygamber näme diýdi?

Isa pygamber näme diýdi?

Isa biziň günlerimizde nähili wakalaryň boljakdygyny pygamberlik etdi. Ol şägirtlerine: «Siz uruş seslerini we uruş baradaky habarlary eşidersiňiz» diýdi (Matta 24:6).

Elbetde, biz şu günler elhenç uruşlaryň we dawa-jenjelleriň bolýandygyny görüp gynanýarys. Ýöne biziň ýagty gelejege umydymyz bar. Sebäbi Isa pygamber dünýäniň soňunda köp ýerlerde uruşlaryň, başga-da gorkunç wakalaryň boljakdygyny we adamlaryň häsiýetleriniň erbetleşjekdigini hem aýtdy. Şu «alamatlar» dünýäniň soňunyň golaýdygyny subut edýär (Matta 24:3; Luka 21:7). Bu bolsa Isa pygamberiň gelejekde uruşlaryň soňuna çykjakdygyny görkezýär. Ol muny nädip eder?

Isa gelejekde näme eder?

Tizden Hudaýyň Patyşalygynyň Patyşasy Isa «ýeriň dört künjeginde uruşlary togtadar» (Zebur 46:9).

Gelejekde ýer ýüzünde nädip parahatlygyň dikeldiljekdigi we şol döwür adamlaryň nähili şertlerde ýaşajakdygy hakda köpräk bilmek üçin «Uruşlaryň soňy geler» atly makalany okaň.