యెహోవాను స్తుతించడానికి జీవించండి!

జీవితం ఒక విలువైన బహుమానం. మనం ప్రతీరోజు ఆ బహుమానాన్ని ఎలా ఉపయోగిస్తున్నామనేది మనం దాన్ని ఎంత విలువైనదిగా చూస్తున్నామో తెలియజేస్తుంది. యెహోవా సాక్షులుగా మనం, మన ప్రతిభను, సామర్థ్యాల్ని ఉపయోగించి జీవదాత అయిన యెహోవాను గౌరవించడానికి, ఘనపర్చడానికి కృషి చేస్తాం. (కీర్త 36:9; ప్రక 4:11) అయితే, ఈ దుష్ట లోకంలో రోజువారీ చింతలు మన ఆధ్యాత్మిక లక్ష్యాలను సులువుగా వెనక్కి నెట్టేయవచ్చు. (మార్కు 4:18, 19) మనలో ప్రతీ ఒక్కరం ఇలా ప్రశ్నించుకోవడం మంచిది: ‘నేను యెహోవాకు నిజంగా నా శ్రేష్ఠమైనది ఇస్తున్నానా? (హోషే 14:2) నా ఉద్యోగం లేదా కరీర్‌ నన్ను ఎక్కడికి తీసుకెళ్తుంది? నా ఆధ్యాత్మిక లక్ష్యాలు ఏంటి? నా పరిచర్యను ఎలా పెంచుకోవచ్చు?’ ఏ విషయంలోనైనా అభివృద్ధి చేసుకునే అవకాశం ఉందని మీకు అనిపిస్తే, సహాయం కోసం యెహోవాకు ప్రార్థన చేసి అవసరమైన మార్పులు చేసుకోండి. నిస్సందేహంగా, ప్రతీరోజు యెహోవాను స్తుతించడం వల్ల మీరు జీవితంలో సంతోషంగా, సంతృప్తిగా ఉంటారు.—కీర్త 61:8.

• యెహోవా కోసం మీ ప్రతిభను ఉపయోగించండి అనే వీడియో చూసి, కిందున్న ప్రశ్నలకు జవాబులు చెప్పండి: మీకున్న ప్రతిభను సాతాను లోకం కోసం ఉపయోగించడం ఎందుకు తెలివైన పని కాదు? (1 యోహా 2:17)

• తమకున్న శ్రేష్ఠమైన వాటిని యెహోవాకు ఇచ్చే వాళ్లకు ఎలాంటి ఆశీర్వాదాలు వస్తాయి?

• పవిత్ర సేవలో స్వచ్ఛందంగా ఏ రంగాల్లో మీ ప్రతిభను, నైపుణ్యాలను ఉపయోగించవచ్చు?