దేవుని వాక్యానికి ఉన్న బలాన్ని మీ పరిచర్యలో ఉపయోగించండి

మనం చెప్పే సువార్త వినడానికి ఎవరైనా సమయమిస్తే, దేవుని వాక్యానికున్న శక్తి పనిచేసేలా బైబిలు నుండే లేఖనాలను చదవడం ద్వారా ఆ అవకాశాన్ని చక్కగా ఉపయోగించుకుంటాం. గత ఏడాది జరిగిన ఒకరోజు ప్రత్యేక సమావేశంలో ఈ విషయాన్ని నొక్కిచెప్పారు. ప్రాంతీయ పర్యవేక్షకుడు “దేవుని వాక్యానికి ఉన్న బలాన్ని మీ పరిచర్యలో ఉపయోగించండి” అనే ప్రసంగాన్ని ఇచ్చాడు. దానిలోని ముఖ్యమైన విషయాలు మీకు గుర్తున్నాయా?

• మన మాటలకన్నా దేవుని వాక్యం ఎందుకు ఎంతో బలమైనది?—2 తిమో. 3:16, 17.

• దేవుని వాక్యం మన భావావేశాలను ఎలా కదిలిస్తుంది? మన ఆలోచనలను ఎలా తీర్చిదిద్దుతుంది? మన ఉద్దేశాలను ఎలా సరిచేస్తుంది? మన ప్రవర్తనను ఎలా మారుస్తుంది?—కావలికోట జూన్‌ 15, 2012, 27వ పేజీ, 7వ పేరా.

• పరిచర్యలో ఎవరికైనా లేఖనం చదివి వినిపించినప్పుడు, వాళ్ల అవధానం దేవుని వాక్యం వైపు మళ్లి దానిపట్ల గౌరవం కలిగేలా ఏమి చేయవచ్చు?—పరిచర్య పాఠశాల పుస్తకంలో 148వ పేజీ, 3-4 పేరాలు చూడండి. అలాగే మార్చి 2013 మన రాజ్య పరిచర్య, 9వ పేజీ, 8వ పేరా చూడండి.

• మనం చదివిన లేఖనాలను వివరించి వాటి మీద తర్కించడం ఎందుకు ప్రాముఖ్యం? దాన్ని ఎలా చేయవచ్చు?—అపొ. 17:2, 3; పరిచర్య పాఠశాల పుస్తకంలో 154వ పేజీ, 4వ పేరా నుండి 156వ పేజీ 4వ పేరా వరకు చూడండి.

• బైబిల్ని ఉపయోగిస్తున్నప్పుడు వివేచనను ఎలా చూపించవచ్చు?—మత్త. 10:16; జూలై 2008 మన రాజ్య పరిచర్య, 3వ పేజీ చూడండి.