మన క్రైస్తవ జీవితం
బైబిలు స్టడీ వీడియోలు ఎలా ఉపయోగించాలి?
పరిచర్యలో ఉపయోగించడానికి మన దగ్గర నాలుగు బైబిలు స్టడీ వీడియోలు ఉన్నాయి. వీటిలో ఒక్కో వీడియోను ఏ ఉద్దేశంతో తయారుచేశారు?
బైబిలు ఎందుకు చదవాలి?—పూర్తి వీడియో ఏ మతానికి చెందిన వాళ్లకైనా బైబిలు మీద ఆసక్తి కలిగించడానికి ఈ వీడియోను తయారుచేశారు. జీవితంలో ముఖ్యమైన ప్రశ్నలకు జవాబులు బైబిల్లో వెదకమని ఈ వీడియో ప్రోత్సహిస్తుంది. అలాంటి ఒక ప్రశ్నకు జవాబు కూడా ఇస్తుంది. బైబిలు స్టడీ కోసం ఎలా అడగవచ్చో చెప్తుంది.
బైబిలు ఎందుకు చదవాలి? (చిన్న వీడియో) ఇది పూర్తి వీడియో లాంటిదే, కానీ దాదాపు ఒక నిమిషం మాత్రమే ఉంటుంది. ప్రజలు బిజీగా ఉండే ప్రాంతాల్లో ఇది చక్కగా ఉపయోగపడుతుంది.
బైబిలు అధ్యయనం అంటే ఏమిటి? మనం ఉచితంగా ఇచ్చే బైబిలు స్టడీ మీద ఆసక్తి కలిగించడానికి దీన్ని తయారుచేశారు. బైబిలు స్టడీకి సంబంధించిన కొన్ని ప్రశ్నలకు ఇది జవాబు ఇస్తుంది. బైబిలు స్టడీ కోసం ఎలా అడగవచ్చో కూడా చెప్తుంది.
బైబిలు స్టడీకి స్వాగతం, బైబిలు విద్యార్థులకు చూపించడానికి దీన్ని తయారుచేశారు. ఈ వీడియో ఎల్లప్పుడూ సంతోషంగా జీవించండి! పుస్తకం రెండవ పేజీలో కనిపిస్తుంది, కానీ ఎల్లప్పుడూ సంతోషంగా జీవించండి! బ్రోషుర్లో ఇది కనిపించదు. అయినప్పటికీ, బ్రోషురు ఉపయోగించి చర్చిస్తున్నప్పుడు కూడా దీన్ని చూపించవచ్చు. పుస్తకంలోని పాఠాల్ని ఎలా తయారుచేశారో, స్టడీ ఎలా జరుగుతుందో ఈ వీడియో వివరిస్తుంది.
ఒక్కో వీడియోను ఒక్కో ఉద్దేశంతో తయారు చేసినప్పటికీ, పరిస్థితిని బట్టి ఆసక్తి చూపించిన వాళ్లకు మీరు ఏ వీడియోనైనా చూపించవచ్చు లేదా పంపించవచ్చు. ఈ వీడియోల్లో ఉన్న సమాచారాన్ని పూర్తిగా తెలుసుకుని, పరిచర్యలో చక్కగా ఉపయోగించమని మిమ్మల్ని ప్రోత్సహిస్తున్నాం.