ప్రత్యేక ఆహ్వానం

1. 2014 సమావేశ ఆహ్వానపత్రాలు ఇచ్చే ప్రచార కార్యక్రమం ఎప్పుడు మొదలౌతుంది?

¹ మీరు ఎంతో ప్రయాసపడి మీ స్నేహితుల కోసం లేదా కుటుంబం కోసం ఖరీదైన విందు ఏర్పాటు చేస్తుంటే, వాళ్లను ఆహ్వానించేటప్పుడు మీలో ఆ ఉత్సాహం కనిపిస్తుంది. అలాగే 2014 ప్రాదేశిక, అంతర్జాతీయ సమావేశాల్లో అందించబోయే ఆధ్యాత్మిక విందును సిద్ధం చేయడానికి కూడా ఎంతో కృషి జరిగింది. సమావేశానికి మూడు వారాల ముందునుండి ప్రజలను ఆహ్వానించే గొప్ప అవకాశం మనకు ఉంది. దానిలో ఉత్సాహంగా పాల్గొనడానికి మనకేది సహాయం చేస్తుంది?

2. ప్రచార కార్యక్రమంలో పూర్తిగా పాల్గొనాలనే ప్రేరణను మనం ఎలా పొందుతాం?

² సమావేశాల ద్వారా యెహోవా అందించే ఆధ్యాత్మిక విందు నుండి మనం ఎంతగా ప్రయోజనం పొందుతున్నామో ఆలోచించినప్పుడు, ఆహ్వానపత్రాలు అందించే ప్రచార కార్యక్రమంలో పూర్తిగా పాల్గొనాలనే ప్రేరణ పొందుతాం. (యెష. 65:13, 14) అలాగే, ప్రతీ సంవత్సరం మనం చేసే ప్రచార కార్యక్రమం వల్ల మంచి ఫలితాలు వస్తున్నాయని గుర్తుంచుకోండి. మనం ఆహ్వానించే వాళ్లలో కొందరు సమావేశానికి వస్తారు. ఎంతమంది వస్తారనేది పక్కనపెడితే, ప్రచార కార్యక్రమం కోసం మనం నిజాయితీగా చేసే ప్రయత్నాలు యెహోవాకు స్తుతిని తీసుకొస్తాయి, ఆయన ఉదారతకు అద్దం పడతాయి.—కీర్త. 145:3, 7; ప్రక. 22:17.

3. ఆహ్వానపత్రాలను ఎలా పంచిపెడతాం?

³ క్షేత్రంలో, తాళాలు వేసివున్న ఇళ్లలో ఆహ్వానపత్రాలను పెట్టాలా వద్దా? బహిరంగ సాక్ష్యంలో వాటిని ఇవ్వాలా లేదా? వంటివాటిని దృష్టిలో పెట్టుకుని ఆహ్వానపత్రాలను ఎక్కువమందికి ఎలా పంచిపెట్టాలో పెద్దల సభ నిర్ణయిస్తుంది. వారాంతాల్లో సముచితమైనప్పుడు ఆహ్వానపత్రాలతో పాటు పత్రికలను కూడా అందించాలి. ఒకవేళ ప్రచార కార్యక్రమం నెలలోని మొదటి శనివారం జరుగుతుంటే, బైబిలు అధ్యయనాలు మొదలుపెట్టడం కన్నా ఆహ్వానపత్రాలు అందించడం మీదే దృష్టిపెట్టండి. ప్రచార కార్యక్రమం ముగిసినప్పుడు, ఉత్సాహంగా దానిలో పాల్గొన్నందుకు, యెహోవా అందించే ఆధ్యాత్మిక విందుకు సాధ్యమైనంత ఎక్కువమందిని ఆహ్వానించినందుకు ఎంతో ఆనందం పొందుతాం.