అధ్యాయం 11

ఉత్సాహం

రోమీయులు 12:11

ఏమి చేయాలి? ఉత్సాహంగా మాట్లాడుతూ వినేవాళ్లను పురికొల్పండి, ప్రోత్సహించండి.

ఎలా చేయాలి?

ముందుగా సమాచారం మీ హృదయాన్ని కదిలించనివ్వండి. సిద్ధపడుతున్నప్పుడే మీరు చెప్పే సమాచారం ఎందుకు ప్రాముఖ్యమో లోతుగా ఆలోచించండి. మీ సమాచారాన్ని బాగా అర్థం చేసుకోండి. అప్పుడు హృదయంలో నుండి మాట్లాడగలుగుతారు.
వినేవాళ్ల గురించి ఆలోచించండి. మీరు చదివే లేదా బోధించే సమాచారం వల్ల వినేవాళ్లు ఎలా ప్రయోజనం పొందుతారో ధ్యానించండి. మీరు ఎలా మాట్లాడితే వాళ్లు దాని విలువను గ్రహిస్తారో ఆలోచించండి.
మీరు చెప్తున్న సమాచారానికి జీవం పోయండి. ఉత్సాహంగా మాట్లాడండి. సహజమైన సంజ్ఞలు, ముఖకవళికల ద్వారా మీ భావాలు తెలియజేయండి.

అలవాటుగా ఒకే సంజ్ఞను పదేపదే ఉపయోగించి వినేవాళ్ల ధ్యాస మళ్లించకండి. మీరు చేసే సంజ్ఞలు మీరు చెప్పే సమాచారానికి పొందికగా ఉండాలి. ప్రత్యేకించి ముఖ్యాంశాలు బోధిస్తున్నప్పుడు, చర్య తీసుకునేలా ప్రోత్సహిస్తున్నప్పుడు ఉత్సాహం చూపించండి. మొదటి నుండి చివరివరకు మితిమీరిన ఉత్సాహం చూపించి ప్రేక్షకులు అలసిపోయేలా చేయకండి.