అధ్యాయం 19
హృదయాన్ని చేరుకోవడానికి కృషిచేయడం
సామెతలు 3:1
ఏమి చేయాలి? వినేవాళ్లు తాము నేర్చుకున్నవాటిని విలువైనవిగా ఎంచి, వాటి ప్రకారం చర్య తీసుకునేలా సహాయం చేయండి.
ఎలా చేయాలి?
తమను తాము పరిశీలించుకోవడానికి సహాయం చేయండి. వినేవాళ్లు తమ హృదయంలో ఏముందో పరిశీలించుకునేలా ప్రశ్నలు వేయండి.
వినేవాళ్లను పురికొల్పండి. వాళ్లు ఎందుకు మంచి పనులు చేస్తున్నారో పరిశీలించుకోమని ప్రోత్సహించండి. మంచి ఉద్దేశాలతో అంటే యెహోవా మీద, సాటి మనుషుల మీద, బైబిలు బోధల మీద ప్రేమతో మంచి పనులు చేసేలా వాళ్లకు సహాయం చేయండి. వాళ్లను ఆలోచింపజేయండి, అంతేకానీ ఉపన్యాసం ఇవ్వకండి. సమాచారమంతా విన్నాక వాళ్లు సిగ్గుపడకూడదు కానీ ప్రోత్సాహం పొంది, చేయగలిగినదంతా చేయాలని కోరుకోవాలి.
యెహోవావైపు దృష్టి మళ్లించండి. బైబిలు బోధల్లో, సూత్రాల్లో, ఆజ్ఞల్లో దేవుని లక్షణాలు, మనమీద ఆయనకున్న ప్రేమ ఎలా కనిపిస్తున్నాయో నొక్కిచెప్పండి. వినేవాళ్లు యెహోవా భావాల గురించి ఆలోచించి ఆయనను సంతోషపెట్టాలని కోరుకునేలా చేయండి.