1 நாளாகமம்

20 வருஷத்தின் ஆரம்பத்தில்,* ராஜாக்கள் போருக்குப் போவது வழக்கம். அப்போது, யோவாப்+ படையெடுத்துப் போய் அம்மோனியர்களின் தேசத்தை அழித்துப்போட்டார்; அவர் ரப்பாவுக்கு+ வந்து அதை முற்றுகையிட்டார்; ஆனால், தாவீது எருசலேமிலேயே தங்கிவிட்டார்.+ யோவாப் ரப்பாவைத் தாக்கி அதைத் தரைமட்டமாக்கினார்.+ 2 பின்பு, மல்காம் தெய்வத்தின் தலையிலிருந்த கிரீடத்தை தாவீது எடுத்துக்கொண்டார். அதன் எடை ஒரு தாலந்து* தங்கம். அதில் விலைமதிப்புமிக்க கற்கள் பதிக்கப்பட்டிருந்தன. அதை தாவீதின் தலையில் வைத்தார்கள். அந்த நகரத்திலிருந்து ஏராளமான பொருள்களையும் அவர் கைப்பற்றினார்.+ 3 அங்கிருந்த மக்களை நகரத்துக்கு வெளியே கொண்டுவந்து கல் அறுக்கும் வேலையை அவர்களுக்குக் கொடுத்தார்.+ கூர்மையான இரும்புக் கருவிகளையும் கோடாலிகளையும் பயன்படுத்தி வேலை செய்ய வைத்தார். அம்மோனியர்களுடைய நகரங்களில் இருந்த எல்லாரிடமும் இப்படியே வேலை வாங்கினார். கடைசியில், தன்னுடைய படை முழுவதையும் கூட்டிக்கொண்டு எருசலேமுக்குத் திரும்பிப் போனார்.

4 இதற்குப் பின்பு, கேசேர் என்ற இடத்தில் இஸ்ரவேலர்களுக்கும் பெலிஸ்தியர்களுக்கும் போர் நடந்தது. அப்போது, ரெப்பாயீம்+ வம்சத்தைச் சேர்ந்த சிப்பாய் என்பவனை உஷாத்தியனான சிபெக்காய்+ வெட்டிக் கொன்றார். அந்தப் போரில் பெலிஸ்தியர்கள் தோற்கடிக்கப்பட்டார்கள்.

5 மறுபடியும் பெலிஸ்தியர்களுடன் போர் நடந்தது. காத் நகரத்தைச் சேர்ந்த கோலியாத்தின்+ சகோதரன் லாகேமியை யாவீரின் மகன் எல்க்கானான் வெட்டிக் கொன்றார். லாகேமி வைத்திருந்த ஈட்டியின் கம்பு, நெசவாளர்களுடைய தறிக்கட்டையைப் போல் பெரிதாக இருந்தது.+

6 மறுபடியும் காத்+ நகரத்தில் போர் நடந்தது. அங்கே ரெப்பாயீம் வம்சத்தைச் சேர்ந்த ஒருவன் இருந்தான். அவன் மிக மிக உயரமாக இருந்தான்.+ அவனுடைய கைகள் கால்கள் ஒவ்வொன்றிலும் ஆறாறு விரல்கள் இருந்தன; மொத்தம் 24 விரல்கள் இருந்தன.+ 7 அவன் இஸ்ரவேலர்களைக் கேலி செய்துகொண்டே இருந்தான்.+ அதனால், தாவீதின் அண்ணனாகிய சிமேயாவுடைய+ மகன் யோனத்தான் அவனை வெட்டிச் சாய்த்தான்.

8 ரெப்பாயீம் வம்சத்தாரான+ இவர்கள் எல்லாரும் காத் நகரத்தைச் சேர்ந்தவர்கள்.+ அவர்களை தாவீதும் அவருடைய ஊழியர்களும் வெட்டி வீழ்த்தினார்கள்.