Një ftesë e drejtpërdrejtë
1. Kur do të fillojë fushata për shpërndarjen e ftesave të kongresit?
1 Nëse do të ftoje për një drekë a darkë të veçantë familjen ose miqtë dhe gatimi do të kërkonte goxha punë e para, me shumë gjasa ftesën do t’ua bëje gjithë qejf. Po kështu, është bërë një punë e madhe për të përgatitur festën frymore që do të bëhet kongresin e ardhshëm. Jehovai na jep mundësinë që tri javë para kongresit të fillojmë të ftojmë njerëzit për këtë rast. Çfarë do të na ndihmojë t’i shpërndajmë ftesat me entuziazëm?
2. Çfarë do të na nxitë të marrim pjesë plotësisht në fushatë?
2 Do të bëjmë më të mirën tonë gjatë fushatës nëse mendojmë me mirënjohje se sa shumë kemi përfituar nga mësimet përtëritëse që na jep Jehovai në kongrese. (Isa. 65:13, 14) Gjithashtu, nuk duhet të harrojmë se nga kjo fushatë e përvitshme vijnë shumë rezultate. (Shih kutinë «Sjell rezultate».) Nga njerëzit që ftojmë, disa do të vijnë në kongres e disa jo. Por, pavarësisht se sa do të vijnë, përpjekjet tona të zellshme gjatë fushatës lëvdojnë Jehovain dhe pasqyrojnë bujarinë e tij.—Psal. 145:3, 7; Zbul. 22:17.
3. Si do të shpërndahen ftesat?
3 Çdo trup pleqsh duhet të përcaktojë si mund të mbulohet sa më mirë territori, për shembull nëse ftesa duhet lënë edhe kur njerëzit nuk janë në shtëpi ose nëse duhet ofruar edhe në vende publike brenda territorit. Në fundjavë revistat duhen ofruar bashkë me ftesën, nëse është e përshtatshme. Pas fushatës, do të kënaqemi nga dijenia se dhamë më të mirën tonë dhe se fushata për të ftuar njerëzit në këtë gosti të përgatitur nga Jehovai dha rezultatet më të mira të mundshme.