Sei Uchifanira Kunyengetera Nomuzita raJesu?

Mhinduro yeBhaibheri

Tinofanira kunyengetera nomuzita raJesu nokuti iyi ndiyo nzira chete inobvumirwa naMwari kuti tikwanise kutaura naye. Jesu akati: “Ndini nzira nechokwadi noupenyu. Hapana anouya kuna Baba asi nokwandiri.” (Johani 14:6) Jesu akaudzawo vaapostora vake vakatendeka kuti: “Chokwadi, chokwadi ndinoti kwamuri, kana mukakumbira Baba chimwe chinhu vachakupai muzita rangu.”​—Johani 16:23.

Zvimwe zvikonzero zvinoita kuti tinyengetere muzita raJesu

• Tinokudza Jesu naBaba vake, Jehovha Mwari.​—VaFiripi 2:​9-11.

• Tinoratidza kuti tinoonga urongwa hwaMwari hwokuti Jesu akatifira kuti tiponeswe.​—Mateu 20:​28; Mabasa 4:12.

• Tinobvuma kuti Jesu anoshanda semurevereri pakati pedu naMwari.​—VaHebheru 7:25.

• Tinoremekedza basa raJesu soMupristi Mukuru uyo anogona kutibatsira kuti tive vakarurama pamberi paMwari.​—VaHebheru 4:​14-16.