KURARAMA KWECHIKRISTU
Simbisa Kutenda Kwaunoita muShoko raMwari
Shoko raMwari rinogona kuchinja upenyu hwedu. (VaH 4:12) Asi kuti tibatsirwe nezvarinotaura uyewo nemitemo iri mariri, tinofanira kutanga tava nechokwadi chekuti ‘ishoko raMwari.’ (1VaT 2:13) Zvii zvatingaita kuti tisimbise kutenda kwatinoita muBhaibheri?
Verenga Bhaibheri zuva rimwe nerimwe. Paunenge uchiverenga, tsvaga uchapupu hunoratidza kuti Jehovha ndiye Munyori weBhaibheri. Semuenzaniso, ongorora mazano ari mubhuku raZvirevo uye ona kuti anoshanda sei muupenyu hwedu mazuva ano.—Zvi 13:20; 14:30.
Tanga kudzidza nezveimwe nyaya. Tsvaga uchapupu hunoratidza kuti Bhaibheri rakafemerwa. Semuenzaniso, kana uri kushandisa Bhuku Rinobatsira Zvapupu zvaJehovha Pakutsvakurudza, enda pamusoro unoti “Bhaibheri” wozoenda pachikamu chakanzi “Rakafuridzirwa naMwari.” Kuti uwedzere kuva nechokwadi chekuti zvinotaurwa neBhaibheri hazvina kuchinja, verenga mashoko ari muShanduro yeNyika Itsva paMashoko Ekuwedzera A3.
ONA VHIDHIYO INONZI CHII CHINOITA KUTI TITENDE . . . MUSHOKO RAMWARI?, WOZOPINDURA MIBVUNZO INOTEVERA:
Zvakanyorwa patemberi muKarnak kuEgypt zvinoratidza sei kuti zvinotaurwa neBhaibheri ndezvechokwadi?
Tinozviziva sei kuti mashoko ari muBhaibheri haana kuchinja?
Kuwanikwa kweBhaibheri mazuva ano kunoratidza sei kuti iShoko raMwari?—Verenga Isaya 40:8