“Hatidzokeri Shure”

4:16-18

Ngatitii pane mhuri mbiri dziri kugara pamba imwe chete uye imba yacho yasakara. Imwe mhuri haisi kumbofara uye zvinonzwisisika. Asi chinoshamisa ndechekuti imwe yacho iri kufara. Nei? Nekuti yava pedyo kuenda kune imwe imba yakanaka.

Kunyange zvazvo “zvisikwa zvese zviri kungogomera pamwe chete uye zviri kurwadziwa pamwe chete,” vashumiri vaMwari vari kukwanisa kutsungirira pamusana petariro yavainayo. (VaR 8:22) Tinoziva kuti matambudziko atiinawo, kunyange atava nemakore tiinawo, ‘ndeenguva diki uye akareruka’ kana tichiaenzanisa eupenyu husingaperi hwatichawana. Kufunga nezvemakomborero atichapiwa naMwari kunoita kuti tifare uye tisadzokera shure.