Purogiramu Yomusangano Webasa
Vhiki Inotanga naAugust 11
10 min: Zviziviso zveungano. Kumbira vateereri kuti vataure nyaya dziri mumagazini omwedzi uno dzavakaona kuti dzingafarirwa nevanhu vari mundima yenyu. Kumbira vateereri kuti vataure pfungwa dzakananga dziri munyaya dzavanoda kutaura nezvadzo. Mubvunzo upi ungabvunzwa kuti mutange kukurukurirana? Rugwaro rupi ruri munyaya yacho rungazoverengwa? Ronga mienzaniso inoratidza kuti mharidzo dzavari kutaura dzingashandiswa sei.
15 min: Ita Zvinoda Mwari—Usingatsauswi Nezvinhu Zvisingakoshi. Hurukuro inobva mubhuku rinonzi “Uya Uve Muteveri Wangu,” mapeji 93-94, ndima 12-13.
20 min: “Uri Kunyatsoishandisa Here?”a Bvunza muparidzi ane zvakaitika paakashandisa chimwe chezviri muNharireyomurindi yevoruzhinji. Zvakaitika zvacho zvingadzokororwa semaitikiro azvakaita. Zvakare uchishandisa ndima yechipiri, enzanisira kuti chidzidzo chingatangwa sei nokushandisa chikamu chinoti, “Zvatinodzidza Kubva Kuna Jesu,” chiri muNharireyomurindi yaAugust 1.
Vhiki Inotanga naAugust 18
10 min: Zviziviso zveungano. Zviziviso zvinosarudzwa pane zviri muUshumiri Hwedu hwoUmambo. Kurukura “Purogiramu Itsva Yegungano Redunhu.” Zivisa musi wegungano redunhu rinotevera kana uchizivikanwa. Yeuchidza vaparidzi kuti vauye neNharireyomurindi yaSeptember 1 neAwake! yaSeptember kuMusangano Webasa wevhiki inotevera uye kuti vagadzirire kuzotaura mharidzo dzakakodzera mundima yenyu.
20 min: Mapfekero uye Kushambidzika Kwedu Zvinokudza Jehovha. Hurukuro inopiwa nomukuru. Kushambidzika kunokosha zvikuru pakati pevanhu vaMwari nokuti Jehovha ndiMwari mutsvene. (Eks. 30:17-21; 40:30-32) Kana tikava nomuenzaniso wakanaka pamapfekero edu uye pakushambidzika kwedu, kunyanya muushumiri, tinofadza Jehovha uye tinenge tichimukudza. (1 Pet. 2:12) Asiwo kana tikatadza kuita kudaro tinoita ‘kuti shoko raMwari ritukwe.’ (Tito 2:5) Rondedzera zvakaitika mundima yenyu kana kuti zviri mumabhuku edu zvinoratidza kuti kana muparidzi akapfeka zvine muenzaniso zvingaguma nokupupurira.
15 min: Vechiduku Vanopupura Zvinobudirira. Hurukuro inokurudzira vabereki nevana vavo vachange vachidzokera kuchikoro munguva pfupi iri kuuya. Yeuchidza vechiduku kuti vashandise zvakanaka mikana yokuti vapupurire. Kana nguva iripo, kumbira vateereri kurondedzera zvakaitika kwavari pavakapupura vachiri kuchikoro.
Vhiki Inotanga naAugust 25
15 min: Zviziviso zveungano. Verenga mushumo weakaunzi uye tsamba inobva kubazi yokutenda mari yakatumirwa. Kurukura “Purogiramu Itsva Yezuva Regungano Chairo,” uye zivisa musi wezuva regungano chairo rinotevera kana uchizivikanwa.
15 min: Zvinodiwa muungano.
15 min: Gadzirira Kugovera Nharireyomurindi yaSeptember 1 neAwake! yaSeptember. Kukurukurirana nevateereri. Taura muchidimbu zvakaita magazini acho, uye bvunza vateereri kuti inyaya dzipi dzingafarirwa nevanhu vari mundima yenyu. Mubvunzo upi norugwaro zvingashandiswa kutanga nyaya yacho? Enzanisira kuti imwe mharidzo pane dziri muUshumiri Hwedu hwoUmambo ingashandiswa sei. Ita kuti mumwe wevakuru aenzanisire muchidimbu imwe mharidzo yaakagadzirira inobva munyaya inokodzera mundima yenyu.
Vhiki Inotanga naSeptember 1
10 min: Zviziviso zveungano. Yeuchidza vaparidzi kuti vaendese mishumo yebasa romumunda yaAugust.
20 min: Vanogara Kwavo Voga Asi Havana Kukanganwika. Hurukuro inokurudzira inobva muNharireyomurindi yaApril 15, 2008, mapeji 25-28. Taura nezvevaKristu vari muungano vari kugara kudzimba dzinochengeterwa vakwegura nendonda. Kana pasina, shandisa zvinotaurwa nenyaya yacho kukurudzira ungano kutsigira ndonda kana kuti vakaremara vasingakwanisi kuita zvimwe zvinhu zvinoitwa muungano.
15 min: Tanga Kudzidza Bhaibheri Nomunhu Pakushanya Kwokutanga Muna September. Kukurukurirana nevateereri. Muna September tichagovera bhuku rinonzi Bhaibheri Rinombodzidzisei? uye tichaedza kukurukura ndima shomanana nasaimba pakushanya kwokutanga. Dzokorora mazano ari muwedzero yoUshumiri Hwedu hwoUmambo hwaJanuary 2006 uye iva nomuenzaniso mumwe chete kana kuti miviri inoratidza kutanga kungaitwa kudzidza Bhaibheri nomunhu pakushanya kwokutanga.
[Mashoko Omuzasi]
a Taura mashoko okusuma kweisingapfuuri miniti imwe chete, wobva wakurukura nemibvunzo nemhinduro.