නිර්මල හැසිරීම සහ ගැඹුරු ගෞරවය පෙන්වීම හිත් දිනාගන්න උදව් වෙනවා

සත්‍යයට එන භාර්යාවන් යහපත් හැසිරීමක් පවත්වගැනීමෙන් හුඟක් වෙලාවට එයාලගේ පුරුෂයන්ව දිනාගන්නවා. හැබැයි ඒ දේ කරන්න සමහර අයට අවුරුදු ගාණක් හුඟක් දේවල් විඳදරාගන්න සිද්ධ වෙනවා. (1පේතෘ 2:21-23; 3:1, 2) ඔයාත් ඒ වගේ දෙයක් අද්දකිනවා නම් දිගටම යහපතින් නපුරු දේවල් පරාජය කරන්න වෑයම් කරන්න. (රෝම 12:21) ඔයාගේ පුරුෂයා ඔයා කියන දේවල් පිළිගන්නේ නැති වුණත් ඔයාගේ යහපත් හැසිරීම දැකලා වෙනස් වෙන්න ඉඩ තියෙනවා.

ඔයාගේ පුරුෂයා හිතන විදිහ, එයාට දැනෙන විදිහ තේරුම්ගන්න උත්සාහ කරන්න. (ෆිලි 2:3, 4) භාර්යාවක් හැටියට ඔයාගේ වැඩ කොටස හොඳින් ඉටු කරන්න. පුරුෂයාට ගෞරවයෙන් සලකන්න. එයාට හොඳින් ඇහුම්කන් දෙන්න. (යාකො 1:19) ඉවසන්න. එයාට ඔයා ආදරෙයි කියලා දැනෙන්න සලස්වන්න. ඔයාගේ පුරුෂයා ඔයාට ආදරෙන්, ගෞරවෙන් සලකන්නේ නැති වෙන්න පුළුවන්. ඒත් ඔයා විශ්වාසවන්තව හරි දේ කරද්දී යෙහෝවා දෙවියන් හුඟක් සතුටු වෙනවා කියලා අමතක කරන්න එපා.—1පේතෘ 2:19, 20.

‘ඕනම දුෂ්කරතාවයක් විඳදරාගන්න යෙහෝවා දෙවියන් ශක්තිය දෙනවා’ කියන වීඩියෝ එක බලලා මේ ප්‍රශ්නවලට උත්තර දෙන්න.

• විවාහ වුණ මුලදී ග්‍රේස් ලීට අද්දකින්න වුණේ මොන වගේ දේවල්ද?

• බයිබලය ගැන ඉගෙනගන්න එයා පෙලඹුණේ ඇයි?

• බව්තීස්ම වුණාට පස්සේ ආපු අභියෝගවලට සහෝදරි ලී සාර්ථකව මුහුණ දුන්නේ කොහොමද?

• සහෝදරි ලී එයාගේ ස්වාමිපුරුෂයා ගැන යාච්ඤා කළේ මොනවාද?

• නිර්මල හැසිරීමක් පවත්වගනිමින් පුරුෂයාට ගැඹුරු ගෞරවයකින් සලකපු නිසා සහෝදරි ලී අද්දැක්කේ මොන වගේ ආශීර්වාදද?