Hao, Polygamy Hem Acceptable?

Ansa from Bible

For lelebet taem, God letem man for garem winim wanfala waef. (Genesis 4:19; 16:1-4; 29:18-29) Bat God no startim polygamy marit. Hem givim wanfala waef nomoa for Adam.

God talem lo Jesus Christ for remindim bak original standard blo monogamy marit wea hem for man maritim wanfala woman nomoa. (John 8:28) Taem pipol askem Jesus abaotem marit, hem sei: “Start kam lo taem wea God wakem olketa man, hem creatim wanfala man and wanfala woman and hem sei: ‘Dastawe, man bae lusim dadi and mami blo hem and hem bae stap olowe witim waef blo hem, and tufala bae wanfala body nomoa.’”—Matthew 19:4, 5.

Spirit blo God leadim wanfala disaepol blo Jesus for raet olsem: “Hem gud for man garem waef blo hemseleva and woman garem hasband blo hemseleva.” (1 Corinthians 7:2) Bible talem tu dat eni man wea marit wea garem spesol responsibility lo Christian kongregeson mas “garem wanfala waef nomoa.”—1 Timothy 3:2, 12.