Hao, Hem Stret for Olketa Christian Iusim Contraceptive?

Ansa from Bible

No enitaem Jesus komandim olketa follower blo hem for garem or for no garem pikinini. And olketa disaepol blo Jesus tu no givim eni direction olsem abaotem datwan. No eni scripture lo Bible talem dat hem rong for iusim birth control. Bat, principle lo Romans 14:12 sei olsem abaotem disfala subject: “Each wan lo iumi bae standap front lo God for hem judgem iumi for samting wea iumi duim.”

So, olketa marit couple, olketa free for disaedem seleva if bae olketa garem pikinini or nomoa. Olketa savve disaedem tu hao many pikinini olketa bae garem and wat taem for garem pikinini. If hasband and waef chus for iusim nonabortive form blo contraceptive for avoidim pregnancy, datwan hem personal disison and responsibility blo tufala. No eniwan shud judgem tufala for datwan.—Romans 14:4, 10-13.