Hao, Bible Letem Wei for Divorce?

Ansa from Bible

Bible hem letem wei for divorce. Bat, Jesus talem only wanfala reason for finisim marit, hem sei: “Eniwan wea divorcem waef blo hem and maritim narawan bat waef hia no durong [duim sex aotsaed lo marit], datwan hem adultery.”—Matthew 19:9.

God heitim wei wea man laea for mekem hem divorce. Hem bae judgem eniwan wea min for lusim marit partner especially taem hem duim datwan witim motive for tekem narawan.—Malachi 2:13-16; Mark 10:9.