Hao, Story lo Bible Abaotem Jesus Hem Accurate?

Ansa from Bible

Bible raeta Luke sei olsem taem hem raet abaotem story blo Jesus: “Mi barava chekim gud evri samting.”—Luke 1:3.

Samfala claimim dat story abaotem laef blo Jesus wea stap lo olketa Gospel, wea Matthew, Mark, Luke, and John nao raetem, olketa changem lo fourth century.

Bat, lo 20th century olketa faendem wanfala valuable fragment blo Gospel blo John lo Egypt. Hem nao olketa kolem lo Papyrus Rylands 457 (P⁵²) and olketa preservem lo John Rylands Library, Manchester, England. Hem garem olketa toktok lo John 18:31-33, 37, 38 lo olketa modern Bible.

Diswan nao hem oldest manuscript fragment blo Christian Greek Scriptures. Staka scholar sei dat olketa raetem diswan lo abaot 125 C.E., wea hem samfala year nomoa afta John raetem original copy. Toktok lo datfala fragment hem barava semsem witim wat hem stap lo olketa manuscript wea olketa faendem bihaen.