Hao, Olketa Scholar Bilivim Dat Jesus Exist?

Olketa scholar garem strong biliv dat Jesus hem exist. Encyclopædia Britannica, 2002 Edition, talem wat olketa first- and second-century historian and olketa early Christian storyim abaotem Jesus, hem sei: “Olketa story hia pruvim dat lo bifor even olketa wea againstim Christianity barava sure dat Jesus hem exist. Lo end blo 18th century, during 19th century, and beginning lo 20th century nomoa pipol start for kwestinim if Jesus hem exist or nomoa.”

Lo 2006, buk Jesus and Archaeology sei: “No eni scholar distaem kwestinim if wanfala Jew wea nem blo hem Jesus, son blo Joseph hem stap bifor. Staka lo olketa storyim samting wea iumi tu savve lo hem, wat Jesus duim and olketa basic truth wea hem teachim.”

Bible storyim dat Jesus hem real person. Bible talem nem blo olketa ancestor blo Jesus and olketa klos famili member blo hem. (Matthew 1:1; 13:55) Hem talem tu nem blo olketa wea rul taem Jesus stap lo earth. (Luke 3:1, 2) Olketa detail hia helpem olketa researcher for confirmim dat olketa story lo Bible hem accurate.