Ikdan Moy Panaon so Dios

Magmaliw ya maliket so bilay mo no ikdan moy panaon so Dios. No ontan so gagawaen mo, pepeneken moy espiritual ya pankaukolan mo. Imanoen irayan imbaga nen Jesus.

Saray imbaga nen Jesus

“Maliket iray manonot ed espiritual a pankaukolan da.”—Mateo 5:3.

• Labay tayon naamtaan so ebat ed sarayan tepet: Antoy gagala na bilay? Akin et dakdakel so maniirap? Antoy nagawa no ompatey tayo? No naromog tayoy ebat ed saraya, magmaliw tayon maliket.

“Aliwan tinapay labat so pambilay na too, noagta say amin a salitan manlalapud sangi nen Jehova.a”—Mateo 4:4.

• Pian nabilay so too, kaukolan toy mangan. Pero aliwa labat ya literal ya naakan so kaukolan tayo, kaukolan tayo met so espiritual ya naakan. Imbaga nen Jesus ya kaukolan tayoy mandepende ed Dios pian napenek so espiritual ya pankaukolan tayo.

“Say salitam et katuaan.”—Juan 17:17.

• Imbaga nen Jesus ya say Salita na Dios odino say Biblia so manunan uusaren na Dios pian napenek so espiritual ya pankaukolan tayo.

Komon ta ikdan moy panaon so Dios tan manggawa kay paraan ya peneken so espiritual ya pankaukolan mo pian magmaliw kan tua ya maliket. Nia ray makatulong:

• Basam so Biblia, libre labat.

• Man-request na libren panag-aral na Biblia ya walay manbangat ed sika.