Asoo Wɔhile Kɛzi Yɛ Nee Menli Sukoa Wɔ Mekɛ Mɔɔ Lumua La Anu?

Saa yɛka kɛ yɛ nee suamenle ne mɔ bie yɛ Baebolo ɛzukoalɛ a, ɛnee bɛse bɛ nye ɛnlie nwolɛ anzɛɛ bɛyɛ Baebolo ɛzukoalɛ ne bie wɔ bɛ asɔne ne anu. Kɛmɔ bɛnze kɛzi yɛ nee menli sukoa Baebolo ne la ati, bɛnze kɛzi ɔyɛ anyelielɛ na ɔmaa bɛnwu ninyɛne dɔɔnwo la. Ɛhye ati, kɛ anrɛɛ ɛkɛha ye sikalɛ kɛ ɛmaa ye Baebolo ɛzukoalɛ nwo adenle la, kɛmɔti a ɛnva mekɛ ekyi ɛngile ye Baebolo ɛzukoalɛ nwo ngyehyɛleɛ wɔ mekɛ mɔɔ lumua la anu ɛ? Fatonwo ɛne: Mmaka ɛkile bɛ kɛ ɛze aleɛ to yɛɛ ɛlɛ bie wɔ ɛ nwo na ɛbava bie wɔara; maa bɛzɔ bɛnlea wɔ ɛkɛ ne ala! Bɛhile kɛzi ɛbahola wɔayɛ ɛhye wɔ mitini ekyi bie anu la wɔ nzuzulɛ mɔɔ gyi March 2006 Our Kingdom Ministry ne mukelɛ 6 ne azo mɔɔ kɔ la wɔ ɛke:

“Ɛdwenle kɛ mekɛ bie bara mɔɔ edwɛkɛ ɛhye bara nu ɔ? [Kenga Ayezaya 33:24, na maa ɔbua.] Maa mengile wɔ debie mɔɔ yɛ anyelielɛ wɔ edwɛkɛ ɛhye anwo la.” Fa Baebolo ne Kilehile buluku ne maa suamenle ne, na maa ɔbuke mukelɛ 36 ɛdendɛkpunli 22. Kenga kpuyia ne mɔɔ wɔ mukelɛ ne abo la, na ka kile suamenle ne maa ɔkpondɛ mualɛ ne wɔ mekɛ mɔɔ ɛlɛkenga ɛdendɛkpunli ne la. Akee biza kpuyia ne bieko, na tie mɔɔ suamenle ne baha la. Bɛbɔ nu bɛngenga ngɛlɛlera mɔɔ ɛha la. Biza kpuyia mɔɔ bɛbaye ɔ nloa wɔ mekɛ bieko mɔɔ ɛbahɔ ɛkɛ la, na yɛ ngyehyɛleɛ kpalɛ kɛ ɛbazia wɔahɔ ɛkɛ. Wɔbɔ Baebolo ɛzukoalɛ bo ala ɛne!