Mɔɔ Yɛbaha Ye Magazine Ne Anwo

The Watchtower March 1

Kenga Adendulɛ 20:15. Akee ka kɛ: “Menli dɔɔnwo bɔ mɔdenle di mɛla ɛhye azo ɛdeɛ, noko bie mɔ te nganeɛ kɛ debiewualɛ nee ninyɛne gyɛne mɔɔ ɔngile nɔhalɛlilɛ la fɛta wɔ gyinlabelɛ mɔɔ yɛ se la anu. Kɛzi ɛdwenle nwo ɛ? [Maa ɔbua.] Edwɛkɛ ɛhye ka nvasoɛ mɔɔ wɔ zo kɛ yɛkɛli nɔhalɛ dahuu la anwo edwɛkɛ.” Fa edwɛkɛ ne mɔɔ wɔ mukelɛ 12 la kile ye.

Awake! March

“Menli dɔɔnwo bu Baebolo ne noko bɛdwenle kɛ nvasoɛ ɛnle nuhua edwɛkɛ dɔɔnwo azo wɔ ewiade ye anu ɛnɛ. Kɛzi ɛdwenle nwo ɛ? [Maa ɔbua. Akee kenga Wulomuma 15:4.] Edwɛkɛ ɛhye kilehile deɛmɔti Baebolo ne foa ne mɔɔ ɛhyɛ bɔbɔ azo lɛ nvasoɛ la anu.” Fa edwɛkɛ ne mɔɔ wɔ mukelɛ 28 la kile ye.

The Watchtower April 1

“Saa bɛbiza menli kɛ bɛhile sonla mɔɔ ɛlie duma kpalɛ wɔ tetedwɛkɛ nu a, dɔɔnwo bɔ Gyisɛse duma. Yemɔ a ɛbabɔ ye duma ɔ? [Maa ɔbua.] Tie deɛmɔti ɔwɔ kɛ yɛneɛnlea ɔ nwo adwenle mɔɔ ɛnle ko la anu na yɛsukoa nɔhalɛ ne la. [Kenga Dwɔn 17:3.] The Watchtower titile ɛhye kile mɔɔ Baebolo ne ka fane Gyisɛse nee ye ngilehilelɛ ne anwo la.”

Awake! April

“Ɔle kɛ asɛɛ yɛnnyia mekɛ dɔɔnwo yɛnva yɛnyɛ debie biala mɔɔ yɛkulo kɛ yɛyɛ la. Ɛdie ɛto nu ɔ? [Maa ɔbua.] Menli dɔɔnwo ɛnwu moalɛ mɔɔ wɔ folɛdulɛ ɛhye azo la. [Kenga Felepaema 1:10.] Magazine ɛhye fa nzuzulɛ kpalɛ bie mɔ mɔɔ baboa yɛ yeamaa yɛava mekɛ yɛali gyima kpalɛ la maa.”