Mɔɔ Yɛbaha ye Magazine ne Anwo

The Watchtower March 1

“Ɔkola ɔyɛ se kɛ yɛkɛyɛ mɔɔ le kpalɛ la wɔ mekɛ mɔɔ menli kɛgyegye yɛ kɛ yɛyɛ debie gyɛne la. Duzu a ɛsuzu kɛ ɔbaboa yɛ na yɛanzulo a? [Maa ɔbua. Akee kenga Mrɛlɛbulɛ 29:25.] Edwɛkɛ ɛhye boa maa yɛnwu ndenle nnu mɔɔ saa yɛdua zo a ɔbamaa yeazɔ Nyamenle anye tɛla kɛ yɛkɛzɔ sonla nye la.” Fa edwɛkɛ ne mɔɔ wɔ mukelɛ 12 la kile ye.

Awake! March

“Yɛ muala yɛ nye die kɛ yɛkɛnyia agɔnwolɛma kpalɛ. Subane ngɛnlɛma boni mɔ a ɛ nye die nwo wɔ agɔnwolɛ bie anwo a? [Maa ɔbua.] Tie edwɛkɛ ɛhye mɔɔ Baebolo ne ka la. [Kenga Mrɛlɛbulɛ 17:17.] Edwɛkɛ ɛhye fa nzuzulɛ mɔɔ bamaa yɛakpa agɔnwolɛma kpalɛ na yɛayɛ agɔnwolɛ kpalɛ yɛamaa awie mɔ la maa.” Fa edwɛkɛ ne mɔɔ wɔ mukelɛ 18 la kile ye.

The Watchtower April 1

“Mekulo kɛ ɛkile wɔ adwenle wɔ edwɛkɛ ɛhye mɔɔ Gyisɛse hanle la anwo. [Kenga Dwɔn 3:3.] Duzu a kile kɛ bɛwo awie fofolɛ ɛ? [Maa ɔbua.] Saa yɛte Gyisɛse Kelaese edwɛkɛ ne abo kpalɛ a, ɔbaha yɛ ɛbɛlabɔlɛ nee yɛ kenlebie anyelazo. Magazine ɛhye kilehile deɛmɔti ɔle zɔ la anu.”

Awake! April

“Ɔle kɛ asɛɛ sukulu ngakula dɔɔnwo wɔ ngyegyelɛ nu la. Ɛsuzu kɛ ɔvi bɛ awovolɛ mekɛ zo badwu ɛnɛ ninyɛne ɛhakyi ɔ? [Maa ɔbua.] Ngyegyelɛ dɔɔnwo kola fa subane ɛtane ba. [Kenga Nolobɔvo ne 7:7a.] Magazine ɛhye ka kɛzi mgbanyinli bahola aboa ngakula bɛamaa bɛagyinla ɔ nloa la anwo edwɛkɛ.”