Mɔɔ Yɛbaha ye Magazine ne Anwo

The Watchtower February 1

“Ɛdwenle kɛ Nyamenle tie asɔneyɛlɛ kɔsɔɔti ɔ? [Maa ɔbua.] Tie mɔɔ Gyisɛse hanle ye wɔ ɛhye anwo la. [Kenga Mateyu 6:7.] Edwɛkɛ ɛhye mɔɔ yɛ anyelielɛ la maa yɛnwu mualɛ mɔɔ Baebolo ne fa maa wɔ asɔneyɛlɛ nwo kpuyia nna mɔɔ bɛta bɛbiza la anwo la.” Fa edwɛkɛ ne mɔɔ wɔ mukelɛ 16 la kile ye.

Awake! February

“Menli dɔɔnwo die di kɛ debie biala mɔɔ kɔ zo wɔ yɛ ɛbɛlabɔlɛ nu la le ninyɛne mɔɔ bɛhyehyɛ bɛdo ɛkɛ dɛba a. Kɛzi ɛdwenle nwo ɛ? [Maa ɔbua.] Kɛmɔ ngyehyɛnu ɛhye kile la, yɛlɛ nwolɛ adenle yɛkpa mɔɔ yɛkulo la. [Kenga Mɛla ne 30:19.] Edwɛkɛ ɛhye fa mɔɔ Baebolo ne ka fane ninyɛne mɔɔ bɛhyehyɛ bɛdo ɛkɛ la anwo mualɛ maa.” Fa edwɛkɛ ne mɔɔ wɔ mukelɛ 12 la kile ye.

The Watchtower March 1

“Ɛdwenle kɛ ninyɛne biala mɔɔ sisi ɛbɛlabɔlɛ nu la le debie mɔɔ bɛha bɛdo ɛkɛ dɛba ɔ? [Maa ɔbua.] Tie mɔɔ Baebolo ne ka ye wɔ ɛhye anwo la. [Kenga Nolobɔvo 9:11.] Magazine ɛhye kilehile ninyɛne mɔɔ Nyamenle bayɛ wɔ azɛlɛ ye azo kenlebie la anu kile yɛ, na ɔmaa yɛ nuhua ko biala nyia adenle kpa mɔɔ ɔkulo wɔ ɛbɛlabɔlɛ nu la.”

Awake! March

“Ezukoa afoa nu ngyegyelɛ ɛlɛka menli dɔɔnwo ɛnɛ, titile wɔ mekɛ ɛhye mɔɔ ezukoa nwo edwɛkɛ ɛyɛ se la anu. Ɛdie ɛto nu ɔ? [Maa ɔbua.] Tie folɛdulɛ kpalɛ ɛhye. [Kenga 1 Temɔte 6:8, 10.] Magazine ɛhye boa yɛ maa yɛnwu Baebolo ne anu ngyinlazo bie mɔ mɔɔ baboa yeamaa yɛanlea yɛ ezukoa zo boɛ na yɛ nzo nu adwo yɛ la.”