Nolobɔlɛ

◼ Buluku mɔɔ yɛbava yɛamaa wɔ March: Duzu A Baebolo ne Kilehile Amgba A? Bɛbɔ mɔdenle bɛva bɛbɔ Baebolo ɛzukoalɛ bo. April nee May: Yɛbava The Watchtower nee Awake! magazine yɛamaa. June: Duzu A Baebolo ne Kilehile Amgba A?

◼ Ɔwɔ kɛ bɛmaa mediema asa ka The Watchtower nee Awake! fofolɛ mɔɔ kɛra la ndɛndɛ, amaa nolobɔlɛma anwu edwɛkɛ mɔɔ wɔ nu la kolaa na bɛava magazine ne mɔ bɛamaa wɔ daselɛlilɛ nu. Bɛlɛmaa mgbanyima ne mɔ anwosesebɛ kɛ bɛnlea bɛnwu ye kɛ asafo ne nyia magazine dɔɔnwo mɔɔ bɛbava bɛamaa la.

◼ Yɛbali Ngakyelɛlilɛ ne wɔ Dwɛkɛ, March 30, 2010. Edwɛne mɔɔ bɛbado wɔ Ngakyelɛlilɛ ne abo la a le 8 nee 109 mɔɔ vi edwɛne buluku fofolɛ ne anu la. Saa bɛyɛ asafo debiezukoalɛ wɔ Dwɛkɛ a, ɔwɔ kɛ bɛbɔ mɔdenle bɛkakyi na bɛyɛ ye kenle fofolɛ anu wɔ dapɛne ne anu. Saa asafo dɔɔnwo yia wɔ Belemgbunlililɛ Asalo ko anu, na bɛnrɛhola bɛnrɛyia wɔ kenle fofolɛ anu a, ɔwɔ kɛ bɛpɛ debiezukoalɛ ne anu. Saa bɛpɛ debiezukoalɛ ne anu a, bɛbahola bɛava Ɛzonlenlɛ Nyianu ne anu foa ne mɔ mɔɔ hyia bɛ asafo ne la bɛaboka Ɛzonlenlɛ Nyianu gyɛne anwo bɛayɛ.

◼ Menli mɔɔ lɛ TWI Watchtower Library la ɛyɛ ye nzonlɛ: Saa bɛbahola bɛabɔ ‘ɛ’ nee ‘ɔ’ wɔ ɛleka mɔɔ bɛfa bɛkpondɛ edwɛkɛ bie na bɛahakyi ninyɛne mɔɔ wɔ bɛ kɔmputa ne azo, amaa ‘ɛ’ nee ‘ɔ’ ne anyɛ kɛ ɛlɛka la na bɛanwu ye kpalɛ a, yɛsɛlɛ bɛ bɛgenga Readme edwɛkɛ mɔɔ boka nwo wɔ CD-ROM ne azo la na bɛva bɛli gyima. Yɛmaa bɛ kɔsɔɔti anwosesebɛ kɛ bɛnyia mekɛ bɛva bɛgenga Readme ne, titile foa ne mɔɔ fane mɔɔ yɛhile anwo la, kolaa na bɛava TWI Watchtower Library bɛado bɛ kɔmputa zo.