Mɔɔ Yɛbaha ye Magazine ne Anwo

The Watchtower Feb. 1

“Saa mbusua fa folɛdulɛ ɛhye di gyima a, kɛzi ɛdwenle kɛ ɔbaha bɛ ɛ? [Kenga Ɛfɛsɛsema 4:31. Akee maa ɔbua.] Edwɛkɛ ɛhye fa Baebolo ne anu folɛdulɛ kpalɛ maa wɔ kɛzi bɛsiezie agyalɛ nu edwɛkɛ na bɛmaa anyelielɛ ba nu la anwo.” Fa edwɛkɛ ne mɔɔ wɔ mukelɛ 18 la kile ye.

Awake! Feb.

“Menli bie mɔ die di kɛ Nyamenle bu nvonleɛ biala mɔɔ yɛyɛ la anwo mgbonda. Bie mɔ noko te nganeɛ kɛ kɛzi yɛ ɛtane ne kpole de biala la ɔfa ɔkyɛ yɛ. Kɛzi ɛdwenle nwo ɛ? [Maa ɔbua. Akee kenga Gyima ne 3:19.] Edwɛkɛ ɛhye suzu ninyɛne nsa mɔɔ bɛhile wɔ Baebolo ne anu kɛ saa yɛyɛ a Nyamenle baze yɛ anwunvɔne la anwo.” Fa edwɛkɛ ne mɔɔ wɔ mukelɛ 10 la kile ye.

The Watchtower Mar. 1

“Mekulo kɛ menwu wɔ adwenle wɔ edwɛkɛ ɛhye mɔɔ menli dɔɔnwo ze la anwo. [Kenga Dwɔn 3:16.] Asoo wɔzuzu kɛzi sonla ko ewule bahola amaa awie mɔ anyia dahuu ngoane la anwo? [Maa ɔbua.] Magazine ɛhye fa ngilehilenu wienyi mɔɔ maa ahunlundwolɛ mɔɔ fane kɛzi yɛbahola yɛanyia nvasoɛ yɛavi Gyisɛse ewule ne anu la maa.”

Awake! Mar.

“Ɛdwenle kɛ ɛzonlenlɛ kɔsɔɔti le kpalɛ ɔ? [Maa ɔbua.] Tie mɔɔ Baebolo ne ka ye wɔ menli bie mɔ ɛzonlenlɛ nwo la. [Kenga Maake 7:7.] Kɛzi awie kola nwu kɛ ɛzonlenlɛ bie kilehile nɔhalɛ ne na tɛ ‘mɔɔ menli ɛhyehyɛ la ɔ?’ Asoo ɛzonlenlɛ nu nɔhalɛ bie wɔ ɛkɛ? Magazine ɛhye bua kpuyia ɛhye mɔ.”