Yɛ Intanɛte Gyimalilɛleka Ne—Bɛyɛ Kɛ Bɛfa Bɛaboa Yɛ Nee Awie Mɔ
Gyisɛse manle ye ɛdoavolɛma gyima kɛ bɛbɔ Belemgbunlililɛ edwɛkpa ne anwo nolo wɔ “aleɛabo amuala.” (Mat. 24:14) Amaa yeaboa na yɛahola yɛayɛ yɛ ‘ɛzonlenlɛ gyima ne kpalɛ’ la, bɛha watchtower.org, jw-media.org, yɛɛ jw.org bɛbɔ nu na bɛyɛ ye fofolɛ jw.org Gyimalilɛleka.—2 Tem. 4:5.
“Aleɛabo Amuala”: Bɛkyɛ menli mɔɔ wɔ ewiade ye la anu nsa a, asɛɛ nuhua ko kɔ Intanɛte zo. Intanɛte ɛrayɛ ɛleka mɔɔ menli dɔɔnwo, titile ngakula nyia edwɛkɛ fi a. Yɛ Intanɛte ɛleka ne maa menli mɔɔ kɔ Intanɛte zo la nyia Baebolo kpuyia nwo mualɛ mɔɔ le nɔhalɛ la. Ɔmaa bɛnwu Gyihova ahyehyɛdeɛ ne na ɔmaa bɛkola bɛbiza kɛ bɛ nee bɛ ɛzukoa Baebolo ne wɔ sua nu mɔɔ bɛndua ɛhwee a. Ɔboa ɔmaa edwɛkpa ne dwu azɛlɛ ye azo ɛleka mɔɔ menli ɛnnyia adenle dɔɔnwo kɛ bɛbade Belemgbunlililɛ nrɛlaleɛ ne la.
“Aleɛabo Amra”: Amaa yɛali “aleɛabo amra” daselɛ la, ɔwɔ kɛ yɛka Baebolo ne anu nɔhalɛ ne wɔ aneɛ ngakyile nu. Menli mɔɔ kɔ Intanɛte ɛleka jw.org la bahola agenga edwɛkɛ wɔ aneɛ kɛyɛ 400 la anu, mɔɔ bɛnrɛnyia bie wɔ Intanɛte ɛleka gyɛne biala a.
Fa Di Gyima Kpalɛ: Tɛ Intanɛte address jw.org ɛleka ne mɔɔ bɛyɛ ye fofolɛ la bodane a le kɛ bɛfa bɛali menli mɔɔ bɛnle mediema la daselɛ. Bɛyɛ kɛ Gyihova Alasevolɛ noko ɛva ɛli gyima. Saa ɛkola ɛkɔ Intanɛte zo a, ɛnee yɛsi wɔ adua kɛ nwu jw.org azo ninyɛne ne kpalɛ. Kɛzi bɛfa bɛdi gyima la anwo nzuzulɛ bie mɔ a bɛhile la.
[Edwɛkɛ mɔɔ bɛhyehyɛ wɔ mukelɛ 3]
(Ɛkulo kɛ ɛnwu edwɛkɛ mɔɔ bɛhyehyɛ la a, nea buluku ne anu)
Yɛ Nea
1 Bɔ www.jw.org wɔ Intanɛte address ɛleka ne wɔ kɔmputa ne azo.
2 Klik headings, menu options nee links azo na nwu ninyɛne mɔɔ wɔ ɛkɛ la.
3 Nea kɛ wɔ moba ne mɔɔ Intanɛte wɔ zo la bamaa wɔahola wɔahɔ jw.org azo. Bɛyɛ ninyɛne ne ekyi mɔɔ bahɔ moba ne azo a, noko zolɛ edwɛkɛ ne le ko.