Kpondɛ Ɛbɛlabɔlɛ Nu Folɛdulɛ Wɔ JW.ORG Azo

Folɛdulɛ mɔɔ yɛhyia nwo na yɛahola yɛagyinla yɛ ngyegyelɛ ne mɔ anloa wɔ awieleɛ mekɛ ɛhye anu la wɔ Baebolo ne anu. (2Ti 3:1, 16, 17) Noko ɔdwu mekɛ ne bie a, ɔnla aze kɛ yɛbanwu Baebolo ngyinlazo mɔɔ fale yɛ tɛnlabelɛ ne anwo la. Kɛ neazo la, ɛle wovolɛ mɔɔ ɛlɛkpondɛ folɛdulɛ mɔɔ ɛfa wɔatete ɛ mra ɔ? Ɛle kpavolɛ anzɛɛ bɛlɛra mɔɔ ɛlɛyia wɔ diedi ne anwo sɔnea ɔ? Ɛ hu anzɛɛ ɛ ye ɛwu mɔɔ ɛlɛdi alɔbɔlɛ ɔ? Ɛbanwu edwɛkɛ ngakyile nee Baebolo ngyinlazo mɔɔ ɔbaboa wɔ yeamaa wɔali wɔ tɛnlabelɛ ne nee tɛnlabelɛ gyɛne nwo gyima la wɔ jw.org azo.​—Mrɛ 2:3-6.

Kɔ jw.org azo na kpa BAEBOLO NGILEHILELƐ. (Nea nvoninli 1.) Akee kpa edwɛkɛ mɔɔ ɛkulo la wɔ edwɛkɛtile ngakyile mɔɔ ɔbavinde ɛkɛ ne la anu. Anzɛɛ kɔ NINYƐNEZIELƐLEKA > EDWƐKƐ MƆƆ BA TOƆDOA ZO na kpa edwɛkɛtile mɔɔ ɛkulo la. (Nea nvoninli 2.) Eza ɛbanwu Edwɛkɛ Mɔɔ Ba Toɔdoa Zo la wɔ JW Library^® ne azo.a Ɛbahola wɔava nuhua biala wɔali gyima. Adenle bieko noko a le kɛ ɛbabɔ edwɛkɛkpɔkɛ fɔɔnwo bie wɔado kpondɛ foa ne mɔɔ wɔ jw.org azo la anu.

Bɔ edwɛkɛ adile ɛhye mɔ to kpondɛ foa ne na yɛ edwɛkɛ ngakyile mɔɔ ɛkulo kɛ ɛkenga la anwo kɛlɛtokɛ.

• Ngakula ɛtetelɛ

• Adwenleadwenle

• Dɔvolɛ bie ewule