Fa jw.org Ne Di Gyima Wɔ Wɔ Daselɛlilɛ Nu—“Bayɛ Gyihova Agɔnwo”

Wɔ “Bible Teachings” foa ne mɔɔ wɔ jw.org la, bɛyɛ ngakula ninyɛne mɔɔ bɛfɛlɛ ye “Become Jehovah’s Friend” mɔɔ edwɛne, video nee gyimayɛlɛ boka nwo la. Wɔva foa ɛhye wɔli gyima wɔ wɔ daselɛlilɛ nu ɔ? Saa ɛ nee wovolɛ mɔɔ lɛ ngakula la ɛlɛsukoa Baebolo ne a, duzu ati a ɛnye ɛngile ye ɛ? Ɛhye bamaa yeanleɛnlea ninyɛne ngakyile mɔɔ wɔ yɛ Web site ne azo la anu.

Mekɛ mɔɔ bɛkyehyɛ Belemgbunlililɛ Nrɛlaleɛ No. 38 ne la, adiema nrenya ko vale trate ne ko manle raalɛ bie na ɛkɛ ne ala ɔbɔle ɔ bo kɛ ɔkenga. Ɔlɛ ngakula dɔɔnwo mɔɔ ɛnee bɛ nye die trate ne anwo. Adiema nrenya ne hanle trate ne anu edwɛkɛ ekyi na akee yeahile ye yɛ Intanɛte address ne mɔɔ wɔ ɔ nzi ɛkɛ ne la. Kɛmɔ raalɛ ne anye liele nwolɛ la ati, ɔyele Kalɛbe video ne ko ɔhilele raalɛ ne nee ɔ mra ne mɔ wɔ ye fonu ne azo.

Adiema raalɛ ko hanle yɛ Web site ne nee edwɛkɛ mɔɔ wɔ ɛkɛ mɔɔ fane abusua nwo la anwo edwɛkɛ hilele ɔ gɔnwo gyimayɛvo mɔɔ lɛ ngakula ngyikyi la. Raalɛ ne nee ɔ mra ne mɔ nleanle mɔɔ wɔ jw.org ne azo la. Amozi, raalɛ ne hanle hilele adiema raalɛ ne kɛ ɔ mra ne mɔ to edwɛne ne mɔɔ wɔ “Become Jehovah’s Friend” ne anu mɔɔ se “Preach the Word” la wɔ sua nu.

Bɔ mɔdenle nwu foa ɛhye mɔɔ wɔ jw.org ne azo la na twe video, edwɛne anzɛɛ gyimayɛlɛ ne ko gua wɔ fonu ne azo. Akee fa jw.org foa ɛhye di gyima wɔ daselɛlilɛ nu. Nea debie mɔɔ sonle bolɛ mɔɔ ɔbamaa yɛayɛ gyima kɛ Awulae azonvolɛ a!​—Gyi. 20:19.