“Nzuzulɛ Mɔɔ Yɛbava Yɛamaa Magazine Ne Wɔ . . .”

Yɛta yɛyɛ Ɛzonlenlɛ Nyianu foa mɔɔ fane magazine mɔɔ yɛbava yɛamaa la anwo siane biala. Tɛ ye bodane a le kɛ bɛfa bɛadi magazine ne edwɛkɛ ne anu. Emomu, bɛyɛ foa ɛhye kɛ yɛva yɛzuzu edwɛkɛ mɔɔ yɛbaha na yɛava magazine ne yɛamaa la anwo. Ɛhye ati, kɛmɔ adehilelɛ ne kile la, adiema ne mɔɔ bɛva bɛwula ɔ sa nu la maa mukenye sikalɛ ko ɔmaa bɛ nye die magazine ne mɔ anwo. Saa bɛlɛ magazine ne bie wɔ bɛ aneɛ nu a, ɔwɔ kɛ bɛfa yemɔ bɛyɛ. Akee, ɔtie nzuzulɛ mɔɔ nolobɔlɛma bɛava amaa wɔ edwɛkɛ ne ko (anzɛɛ bie mɔ) anwo la, amaa bɛ muala bɛadie na bɛanwu nzuzulɛ mɔɔ bɛbava bɛali gyima la. Kɛ anrɛɛ ɔbamaa tievolɛma ahile edwɛkɛ muala mɔɔ bɛbaha la, ɔmaa nolobɔlɛma kile kpuyia mɔɔ menli nye balie nwolɛ la na ɔmaa bɛkile ngɛlɛlera mɔɔ bɛbagenga la. Ɔmaa bɛyɛ magazine ne ko biala anwo yɛkile ɔfa ɔdwula ye edwɛkɛ ne. Bɛlɛmaa yɛ anwosesebɛ kɛ yɛlumua yɛnleɛnlea magazine ne anu na yɛziezie yɛ nwo kɛ yɛbahile yɛ nzuzulɛ ɛdeɛ. Saa yɛ muala yɛsiezie yɛ nwo kpalɛ a, foa ɛhye baboa yeamaa yɛ gɔnwo mɔ ayɛ deɛ kɛ yɛdayɛ la.—Mrɛ. 27:17, NW.