Ebi Turikubaasa Kugamba Turikugaba Zaamagaziini

The Watchtower Mei 1

“Okweyongyera kw’ebihikiirizi omu bunaku obu kureetaire bamwe kwebuuza yaaba n’ebiheneso kuruga ahari Ruhanga. Iwe ekyo nookiteekateekaho ki? [Tegyereza agarukyemu reero omushomere 1 Yohaana 4:8.] Ebiri ahansi y’omutwe ogu nibishoboorora enshonga ahabw’enki Ruhanga tiwe burugo bw’okubonabona okurikureetwaho ebihikiirizi.” Mworekye ebirikutandikira aha rupapura 30.

Awake! Mei

“Shoma Matayo 6:10. Waaheza buuza oti: Oreebuurize eki ekigyendererwa kya Ruhanga ahabw’ensi kiri? [Tegyereza agarukyemu.] Okurugiirira ahari Baibuli, Ruhanga akaba ainiire ensi ekigyendererwa kuruga omu kutandika kandi ekigyendererwa kye ekyo tikikahindukaga. Ebiri ahansi y’omutwe ogu nibishoboorora.” Mworekye ebirikutandikira aha rupapura 10.

The Watchtower Gyun. 1

“Kimwe aha bitebyo by’omu Baibuli ebirikumanywa munonga n’ekyo ekirikukwata ahari Noa n’Omwegyemure. Nooteekateeka ngu buzima Omwegyemure gukabaho? [Tegyereza agarukyemu.] Ekirikushemeza, Yesu akagugambaho nk’ekintu ekyabaireho buzima. [Shoma Luka 17:26, 27.] Magaziini egi neeha enshonga ezirikutuhamiza ngu Omwegyemure gukabaho kandi eshoboorora ebintu bikuru ebi ekitebyo eki kirikutwegyesa.”

Awake! Gyun.

“Okworora abaana tikworobi, na munonga omwana yaahika omu mushogoyo obu harikubaho empindahinduka z’amaani. Nooteekateeka ngu abazaire nibabaasa kwiha nkahi obuhabuzi oburikwesigwa? [Tegyereza agarukyemu, reero omushomere Isaaya 48:17, 18.] Magaziini egi neeha obuhabuzi oburikukora okuhwera abazaire kukoresa obwengye n’okwetegyereza.”