Ebi Turikubaasa Kugamba Turikugaba Magaziini

The Watchtower Maaci 1

“Nikibaasa kuguma kukora ebirungi abantu baaba nibatushendashenda kukora ebitahikire. Nooteekateeka ngu niki ekirikubaasa kutuhwera kutatiina bantu? [Tegyereza agarukyemu, reero omushomere Enfumu 29:25.] Ebiri ahansi y’omutwe ogu nibyoreka enshonga itaano ezirikutuhwera kushemeza Ruhanga okukira abantu.” Mworekye ebirikutandikira aha rupapura  12.

Awake! Maaci

“Twena nikitushemeza okugira abanywani barungi. Omunywani murungi ashemereire kuba aine mitwarize ki? [Tegyereza agarukyemu.] Yetegyereze eki Baibuli erikukigambaho. [Shoma Enfumu 17:17.] Ebiri ahansi y’omutwe ogu nibishoborora oku orikubaasa kutoorana abanywani barungi kandi n’okuba omunywani murungi aha bandi.” Mworekye ebirikutandikira aha rupapura 18.

The Watchtower Apuri 1

“Ninshaba ongambire eki orikuteekateeka aha bigambo bya Yesu ebi. [Shoma Yohaana 3:3.] Nooteekateeka ngu okuzaarwa ogwa kabiri nikimanyisa ki? [Tegyereza agarukyemu.] Okwetegyereza amakuru g’ebigambo bya Yesu ebyo, nikwija kukwata aha magara gaitu n’aha bi turaatungye omu biro by’omumaisho. Magaziini egi neshoboorora enshonga ahabw’enki.”

Awake! Apuri

“Abaana b’eishomero abaingi baine ebiri kuberarikiriza. Nooteekateeka ngu ebintu bihindukire kuruga omu biro bya abazaire baabo? [Tegyereza agarukyemu.] Okwerarikirira munonga nikurugamu oburemeezi. [Shoma Omubuurizi 7:7a.] Magaziini egi neeyoreka oku abantu abakuru barikubaasa kuhwera abato kugumisiriza.”