Езекиел

15 Ехова дахин надтай ярьсан нь: 2 «Хүний хүү минь, усан үзмийн ороонгыг ойн модод эсвэл модны мөчиртэй харьцуулж болно гэж үү? 3 Ажил хийхэд хэрэглэх гэж мөчрийг нь авдаг билүү? Эсвэл сав суулгаа өлгөх гэж гадас хийдэг билүү? 4 Гал л түлдэг шүү дээ. Хоёр үзүүр нь галд шатаж, голын хэсэг нь нүүрс болдог. Ийм зүйлээр юм хийж болох уу? 5 Энэ нь бүтэн байлаа ч юунд ч хэрэг болохгүй. Тэгэх тусмаа галд шатаад нүүрс болсон нь бүр ч хэрэггүй биз дээ!».

6 «Тиймээс Хэмжээгүй эрхт Эзэн Ехова ийнхүү айлдаж байна. “Би ойн моддын дотроос усан үзмийн модыг сонгож түүгээр гал түлсэн шигээ Иерусалимын оршин суугчдыг мөн тэгнэ. 7 Би тэднийг шийтгэнэ. Тэд галаас зугтлаа ч гал тэднийг шатаана. Би тэднийг шийтгэхэд та нар намайг Ехова гэдгийг мэдэх болно”».

8 «“Тэд итгэлийг минь эвдсэн учир би энэ нутгийг эзгүйрүүлнэ” хэмээн Хэмжээгүй эрхт Эзэн Ехова айлдаж байна».