जनतेला सहायक ठरणारी माहिती

खरे ख्रिस्ती सुवार्तेचा प्रसार करण्याच्या सार्वजनिक सेवेत भाग घेतात. (फिलिप्पै. २:१७) असे करण्यासाठी, काही मुख्य माहितीपत्रके, पत्रिका आणि लेख, इंटरनेटवरील www.watchtower.org. या वेबसाईटवर २० भाषांत उपलब्ध आहेत. ही वेबसाईट, यहोवाच्या साक्षीदारांना चालू प्रकाशने वितरीत करण्यासाठी नाही. तर या वेबसाईटचा उद्देश, यहोवाचे साक्षीदार बायबलमधून जे शिकवतात त्याची अचूक माहिती जनतेला मिळावी हा आहे.

अलीकडे, आपल्या अधिकृत वेबसाईटवर एका उल्लेखनीय गोष्टीची भर पडली आहे. ती म्हणजे, २२० पेक्षा अधिक भाषांतील देव आपल्याकडून काय अपेक्षितो? हे माहितीपत्रक. तसेच, सर्व भाषांतील जानेवारी १ आणि जानेवारी ८, २००४ च्या टेहळणी बुरूज व सावध राहा! अंकांपासून, शेवटच्या पानावर आपल्या वेबसाईटचा पत्ता आहे.

या साधनाचा तुम्ही कशाप्रकारे उपयोग करू शकता? तुम्ही कदाचित अशा व्यक्‍तीला भेटाल जी खूप आस्थेवाईक आहे परंतु तिची भाषा वेगळी आहे. अशा व्यक्‍तीकडे इंटरनेट असेल तर तुम्ही तिला टेहळणी बुरूज किंवा सावध राहा! नियतकालिकाच्या शेवटच्या पृष्ठावरील वेब पत्ता दाखवू शकता. मग ती व्यक्‍ती, तुम्ही तिला तिच्या मातृभाषेत साहित्य द्यायला पुन्हा जाईपर्यंत इंटरनेटवर आपल्या भाषेतील अपेक्षा माहितीपत्रकाचे परीक्षण करू शकेल. किंवा, तुम्ही कदाचित ती व्यक्‍ती जी भाषा बोलते त्या भाषेच्या मंडळीतील किंवा गटातील कोणालाही तिचा पत्ता देऊ शकता.