प्रश्न पेटी
● विभागीय देखरेख्यांच्या भेटीच्या वेळी पुस्तक अभ्यासाच्या दिवशी होणाऱ्या खास सभेत कोणता क्रम अनुसरण्यास हवा?
विभागीय देखरेख्यांच्या भेटी दरम्यान, पुस्तक अभ्यास होणाऱ्या दिवशी जी खास सभा होते त्यासाठी सबंध मंडळीला राज्य सभागृहात एकत्र केले जाते. या सभेतील “शिकलेल्या गोष्टी दृढ धरुन राहा” या शिर्षकाखाली शास्त्रवचनीय तसेच संस्थेविषयीच्या माहितीची चर्चा होते. तसेच यावेळी विभागीय देखरेख्यांचे एक सेवा-भाषण होते. ही सभा गुरुवारी किंवा शुक्रवारी सायंकाळी होते.
सभेची सुरवात गीत व प्रार्थनेकरवी होते व मग एक वडील ४५ मिनिटांचा मंडळीचा पुस्तक अभ्यास घेतो. येथे, नियमित पुस्तक अभ्यासाच्या वेळी होते तसेच नेमलेल्या वेळेत सर्व परिच्छेदांचे वाचन होऊन आठवड्यासाठी नेमून दिलेला सर्व भाग पूर्ण करायचा प्रयत्न होण्यास हवा. हा पुस्तक अभ्यास झाल्यावर आणखी एक गीत होते. यानंतरच्या ३० मिनिटांसाठी विभागीय देखरेखे “शिकलेल्या गोष्टी दृढ धरुन राहा” हा भाग हाताळतात. यानंतर ते खासपणे मंडळीच्या गरजांना अनुलक्षून असणारे सेवा भाषण ३० मिनिटांसाठी देतात. या सेवा भाषणात ते मंडळीची उबदार प्रशंसा करतात आणि मंडळीची उभारणी होण्यासाठी सूचना सादर करतात व बंधूंना राज्य सेवेत दृढ राहण्याचे उत्तेजन देतात.
सभेची समाप्ती गीत व प्रार्थनेने होते. येथे गाण्यात येणारी सर्व गाणी विभागीय देखरेख्यांनी निवडावीत. गीत व प्रार्थनांसह असणारा हा एकंदर कार्यक्रम दोन तासांच्या पुढे जाऊ नये.
१९७७ मध्ये स्थापण्यात आलेल्या या व्यवस्थेने विभागीय देखरेख्यांच्या भेटीदरम्यान खासपणा आणला, त्याने सबंध मंडळीला फायदा दिला आणि यहोवाच्या संस्थेमार्फत आयोजलेल्या या खास तरतुदीस उपस्थित राहून त्यात भाग घेणाऱ्या वैयक्तीक प्रचारकांना सुद्धा मोठा लाभ दिला आहे.