बनायासारखं धाडसी आणि एकनिष्ठ असा

बनाया हा दावीद आणि शलमोन राजाच्या काळात जगला. तो एक धाडसी योद्धा होता. तो याजकाचा मुलगा होता. याजकांना सहसा हत्यारं वापरायची गरज पडायची नाही. पण बनाया यहोवाच्या वतीने युद्धांत लढला आणि तो खूप शूर होता. त्याने एकदा कोरड्या हौदात उतरून एका सिंहाला मारून टाकलं. तसंच त्याने एकदा एका धिप्पाड माणसालाही मारून टाकलं. दावीदचा त्याच्यावर इतका विश्‍वास होता, की त्याने त्याला त्याच्या अंगरक्षकांवर नेमलं.—२ शमु. २३:२०-२३.

अबशालोम आणि अदोनियाहने दावीद राजाविरुद्ध बंड केलं तेव्हा बनाया दावीदला एकनिष्ठ राहिला. (२ शमु. ८:१८; १५:१८; १ राजे १:८) दावीद म्हातारा झाला तरी बनायाने त्याची साथ सोडली नाही. दावीदने आपला मुलगा शलमोन याला राजा बनवायला त्याच्याकडे मदत मागितली तेव्हा त्याने तसं केलं. (१ राजे १:३२-४०) इतर जण कसेही वागले तरी बनाया मात्र यहोवाला आणि त्याच्या निवडलेल्या लोकांना एकनिष्ठ राहिला.

आपला शत्रू सैतानसुद्धा खूप शक्‍तिशाली आहे. म्हणून त्याच्याशी आणि त्याच्या साथीदारांशी लढायला आपल्याला धाडसाची गरज आहे. तसंच, आपण यहोवाच्या तत्त्वांप्रमाणे जगायचा निशश्‍चयसुद्धा केला पाहिजे. (इफिस. ६:११; १ पेत्र ५:८, ९) इतर जण यहोवाला सोडून गेले तरी आपण नेहमी त्याला एकनिष्ठ राहिलं पाहिजे आणि याची खातरी ठेवली पाहिजे, की तो आपल्याला नक्की आशीर्वाद देईल.—२ शमु. २२:२६.