युद्ध आणि संघर्ष असतानाही तुम्ही शांती अनुभवू शकता

यामुळे कशी मदत होते: “या वचनामुळे मला खातरी मिळते, की यहोवा खूप दयाळू आहे. मला माहीत आहे, की पूर्वी युद्धात भाग घेऊन मी जे काही केलंय त्यासाठी यहोवा मला नक्की माफ करेल.”—विल्मार, कोलंबिया.

यामुळे कशी मदत होते: “लष्करात असताना मी जे काही पाहिलं, अनुभवलं त्यामुळे पुढे मला मानसिक आजाराचा आणि नैराश्‍याचा सामना करावा लागला. पण बायबलमधल्या या वचनामुळे मला सतत याची आठवण होते, की यहोवा माझ्या मनात उठलेलं हे विचारांचं वादळ शांत करेल आणि युद्धाच्या वाईट आठवणी कायमच्या पुसून टाकेल. पुन्हा कधीच त्या माझ्या मनात, माझ्या विचारांत डोकावणार नाहीत. खरंच, यहोवाकडून मला मिळालेली ही किती मोठी भेट आहे!”—झफिरा, अमेरिका.

यामुळे कशी मदत होते? “मी नेहमी या शब्दांचा विचार करते आणि मला जाणवतं, की लवकरच युद्ध आणि युद्धामुळे झालेल्या वाईट गोष्टी कायमच्या काढून टाकल्या जातील आणि पुन्हा कधीच आपल्याला आपल्या जवळच्या लोकांच्या सुरक्षेची काळजी वाटणार नाही.”—ओलेक्सान्द्रा, युक्रेन.

यामुळे कशी मदत होते? “तुत्सी लोकांविरूद्ध झालेल्या जातिसंहारात माझ्या कुटुंबातले जवळजवळ सगळेच लोक मारले गेले. पण या वचनामुळे मला खातरी मिळते, की मला माझे सगळे लोक पुन्हा भेटतील. त्यांना जेव्हा पुन्हा जिवंत केलं जाईल तेव्हा त्यांचे आनंदी चेहेरे पाहण्याची आणि त्यांचा आवाज ऐकण्याची मी आतुरतेने वाट पाहत आहे.”—मेरी, रुआंडा.

यामुळे कशी मदत होते? “युद्ध संपलं तरी अन्याय आणि वाईट लोक अजूनही आहेत. पण बायबलमधल्या या वचनांमुळे मला खूप बळ मिळतं. यहोवा सगळं काही पाहतो आणि माझी परिस्थिती समजून घेतो. तो वचन देतो, की हे सगळं लवकरच संपेल आणि या गोष्टी पुढे कोणी आठवणारसुद्धा नाहीत.”—दलेर, ताजिकिस्तान.