देवाच्या वचनातील अनमोल रत्नं | मार्क ९-१०
विश्वास दृढ करणारा एक दृष्टान्त
रूपांतराच्या दृष्टान्तात आपल्या स्वर्गीय पित्याने आपल्याला स्वीकारण्याची जी घोषणा केली ती ऐकून येशूला कसं वाटलं असेल याची कल्पना करा. यामुळे पुढे येणाऱ्या समस्यांचा सामना करण्यासाठी येशूला हिंमत मिळाली असेल यात शंका नाही. या दृष्टान्ताचा पेत्र, याकोब आणि योहान यांच्यावरही जबरदस्त प्रभाव झाला. येशू मसीहा होता आणि त्याचं ऐकण्याचा त्यांनी घेतलेला निर्णय योग्यच होता. जवळपास ३२ वर्षांनंतरही पेत्र हा दृष्टान्त आठवतो आणि “भविष्यसूचक वचनावरील” त्याचा भरवसा वाढला असल्याचं सांगतो.—२पेत्र १:१६-१९.
आपण हा जबरदस्त दृष्टान्त प्रत्यक्षात पाहिला नसला तरी या दृष्टान्ताची पूर्णता आपण पाहत आहोत. येशू एक शक्तिशाली राजा म्हणून राज्य करत आहे. लवकरच तो “आपला विजय पूर्ण” करेल आणि धार्मिक नव्या जगाचा मार्ग आपल्यासाठी खुला करेल.—प्रक ६:२.
बायबलमधल्या भविष्यवाणीची पूर्णता पाहून तुमचा विश्वास कसा मजबूत झाला आहे?