येशूबद्दलचं सत्य आवेशानं सांगा
येशूबद्दलचं सत्य इतरांना कसं सांगायचं हे जेव्हा आपल्याला माहीत असतं तेव्हा आपला आवेश आणखी वाढतो. येशू कोनशिला आहे ज्यावर खरा विश्वास बांधला जातो. (इफिस. २:२०) त्याच्याशिवाय आपल्या जीवनात काहीच आशा नसती. (प्रे. कृत्ये ४:१२) त्यामुळं सर्वांनी यहोवाच्या उद्देशातील येशूची भूमिका मान्य करणं खूप महत्त्वाचं आहे. येशूवर विश्वास ठेवणाऱ्यांना, आशीर्वाद देण्याचं अभिवचन देवानं दिलं आहे. पण शास्त्रवचनावर आधारित नसलेल्या शिकवणींमुळं बरेचजण बहकले आहेत. अशांना ते आशीर्वाद कदाचित मिळणार नाहीत. सत्याबद्दल आवेश असल्यामुळं आपण प्रामाणिक अंतःकरणाच्या लोकांना येशूबद्दलची खरी समज, त्याचा देवाबरोबर असलेला नातेसंबंध आणि देवाच्या उद्देशातील त्याची भूमिका यांबद्दल सांगण्यास प्रवृत्त होतो. मग येणाऱ्या स्मारकविधीच्या काळादरम्यान तुम्ही अशा लोकांना येशूविषयीच्या सत्याबद्दल आवेशानं सांगाल का?