“मला पुन्हा तो घरी भेटलाच नाही!”
तुम्ही कधी असे एखाद्याविषयी म्हणाला आहात का? या घरमालकाने संदेशात आवड दाखवली होती. म्हणून तुम्ही अनेकदा, त्याच्या मनात पेरलेल्या सत्याच्या बीजाला पाणी घालण्यासाठी त्याची पुनर्भेट घ्यायला गेला पण तो तुम्हाला घरी भेटलाच नाही. (१ करिंथ. ३:६) अशा वेळी, काही अनुभवी प्रचारकांनी यावर उपाय शोधून काढला आहे. ते त्या घरमालकाला पत्र लिहितात. किंवा मग, एका चिठ्ठीवर त्यांना काय म्हणायचे आहे ते लिहून ती त्या व्यक्तीच्या घराच्या दारातून आत सरकवतात. काही प्रचारक तर, आवड दाखवणाऱ्या घरमालकाला पहिल्या भेटीतच, त्याची हरकत नसल्यास त्याचा फोन नंबर मागतात. ते त्याला असेही विचारतात: “तुम्ही मेसेज पाठवत असता का?” जेव्हा-जेव्हा आपण घरमालकाला पुन्हा भेटायला जातो, पत्राद्वारे, ई-मेलद्वारे, मेसेजद्वारे त्याला संदेश पाठवतो, दारातून चिठ्ठी आत सरकवतो, फोन करतो तेव्हा-तेव्हा आपण ती पुनर्भेट म्हणून मोजू शकतो. घरमालक आपल्याला त्याच्या घरी फार कमी वेळा भेटला असला तरी, आपण त्याची आवड वाढवू शकतो.