“भेट घेण्याचा उद्देश . . . ”
घरमालक जेव्हा दरवाजा उघडतो आणि आपल्याला पाहतो तेव्हा आपण कोण आहोत आणि नेमके कशासाठी आलो आहोत असे प्रश्न त्याच्या मनात येण्याची शक्यता आहे. त्याच्या प्रश्नांचे निरसन करण्यासाठी आपण सुरुवात कशी करू शकतो? नेहमीप्रमाणे घरमालकाला अभिवादन केल्यानंतर काही प्रचारक “भेट घेण्याचा उद्देश” काय ते सांगतात. जसे की: “आज आम्ही सर्वांना भेटी देतोय, भेट घेण्याचा उद्देश आज एका महत्त्वाच्या विषयावर आम्ही लोकांशी बोलतोय; हल्ली अनेक लोक वाढत्या गुन्हेगारीमुळं त्रस्त झाले आहेत. तुम्हाला काय वाटतं . . . ” किंवा मग, घरमालकाची धार्मिक पार्श्वभूमी लक्षात घेऊन ते असे म्हणतात: “आज आम्ही सर्वांना भेटी देतोय, भेट घेण्याचा उद्देश लोकांना विनामूल्य बायबल अभ्यास देणं.” अगदी सुरुवातीलाच जर आपण स्पष्टपणे सांगितले की आपण का आलो आहोत तर पुढे आपण काय बोलणार आहोत ते घरमालक आणखी चांगल्या प्रकारे ऐकण्याची शक्यता आहे. आपण आपल्या प्रस्तावनेची सुरुवात जर विचारपूर्वक आणि सुज्ञपणे केली तर आपण घरमालकाचे लक्ष वेधू शकू आणि त्यांच्या मनात येणाऱ्या शंकांचे निरसन करू शकू.