प्रश्न पेटी
▪ प्रचार कार्य बंद करण्यास सांगितले जाते तेव्हा तुम्ही काय केले पाहिजे?
प्रचार कार्यात भाग घेत असताना पोलिसांनी काही वेळा प्रचारकांना अडवून त्यांना असे म्हटले आहे, की ते कायद्याचा भंग करत असल्यामुळे त्यांनी आपले प्रचार कार्य थांबवावे. अशा वेळी, लगेच व सभ्य वर्तन ठेवून आपले कार्य थांबवून तिथून निघून जा. (मत्त. ५:४१; फिलिप्पै. ४:५) कायद्यानुसार आपल्याला कोणकोणते हक्क आहेत यांची चर्चा करून तुम्ही स्वतःहून ही बाब हाताळण्याचा प्रयत्न करू नये. शक्य असेल तर अगदी काळजीपूर्वकतेने पोलीस अधिकाऱ्याचे नाव व ते कोणत्या पोलीस ठाण्यात असतात ते माहीत करून घ्या. त्यानंतर, याबद्दल लगेच वडिलांना सांगा. वडील जन मग या घटनेविषयी शाखा कार्यालयाशी संपर्क साधतील. तसेच, एखाद्या इमारतीत प्रचार कार्य करताना त्या इमारतीच्या सुप्रीटेंडंटने किंवा इतर कर्मचाऱ्याने तुम्हाला तिथून निघून जायला सांगितल्यास, तुम्ही लगेच निघाले पाहिजे व याबाबत वडिलांना कळवले पाहिजे. अधिकाऱ्यांबरोबर आपण नरमाईने वागलो तर अनेक अनावश्यक समस्या टाळू शकतो.—नीति. १५:१; रोम. १२:१८.